Matewu 23:37 - Bhibhiliya Nya Guage

³⁷ “Jerusalema, u songago vaprofeti ni gu pfara khu siwindri avo u rumedwago! Dzinyondro dzingani nyi vbwetidego gu tshanganisa sanana sago kha nga mbaha nya khugu wu fundramelago sitshondryana saye vbavbatshi nya mambapi yaye, u si dzumeli!”

Matewu 23:37 Iomraidhean Croise

Nehemiya 9:26

Ambari khu guralo, va di bomba, va gu wugela va si gu yingisi, va gu pfhurarela va si landrisi Nayo wago. Va di songa vaprofeti vago, avo va nga bani va va embela gasi va vbindrugedza mavbanyelo va bwelela avbo gwago, va bwelo khavbo va gira gunyenyeza nya gukhongolo.

Dzindzimo 17:8

Nyi vegise kha nga ndzololo nya liso lago, nyi sihe vbavbatshi nya mambapi yago,

Dzindzimo 36:7

Oh, Pfhumu Nungungulu, lihaladzo lago li ngu tsakisa ngudzu! Khu magirelo yoyo, mutsani nya mambapi yago va nguta sihala umo vathu.

Dzindzimo 57:1

Nyi pwele wusiwana Nungungulu, nyi pwele wuhindzi, hefemulo wangu wu ngu thavela avbo gwago; nyi na sihala mutsani nya dzimbapi dzago, kala si vbindra sigaradzo.

Dzindzimo 63:7

Kholu u khade wuthavelo wangu, nya gu nengela mutsani nya mambapi yago.

Dzindzimo 91:4

A na gu fenengedza a gu vhikela, u na mana gu sayisega vbavbatshi nya dzimbapi dzaye; gutumbega gwaye gitshangu gyago.

Isaya 5:4

Hwane nya gu bani nyi giride satshavbo sesi, ginani gambe nyi nga yela gu gira ga lithembwe langu, nyi ngamba gi gira? Eni nyi di gu lirela gu hakha dziuvha nya dzadi, khu ginani olu ilo li nga velega idzo nya guvave, na?

Isaya 50:2

Khu ginani avbo nyi dzudego gwanu, a ngamba manega ni moyo nya gute dzi wonegisa? Avbo nyi nga rana, mwalo a nga thana? Ina mwa gu pimisa gukhenu libogo langu li rode ngudzu nyamba kodza gu mi dzegisa, gani? Mwendro nyi mwalo gambe tshivba nya gu mi dwanele, gani? Wonani nya gukhenu khu tshivba yangu nyi ngu vbwisa yiphwa, nyi vbindrugedza mitsongo yi khala giwula, dzindzandzi dzifa, dzi nunga khu gu hamuga mati.

Jeremiya 2:30

Nyi tsayiside mahala vathu vago, kholu kha va dzumela gu kawukwa kheni; matshari yanu ma mbembiside vaprofeti vanu kha nga nghala yi vbadzulelago.

Jeremiya 26:23

Va ya mu mola va wuya naye, vata mu ningela ga mufumeli Jowakimi, uye a di rumela gu va mu songa khu litshari, girumbi gyaye gi dzudzugwa phalani nya sirumbi nya singi.

Jeremiya 32:31

Kholu gukhugela litshigu li phedwego gu vbahwa lidhoropa leli kala na muhuno, va nyi goroside va wusa likhulo langu nya likhongolo, khu guralo, Eni nyi na li dusa mbeli gwangu.

Jeremiya 35:15

Gukhugela gale nyi mi rumedeni sithumi sangu, vaprofeti, gasi si mi embela, khiso: Vbindrugedzani mu ndreya ndzilani nya guvivbe, mu gira mithumo ya yadi mu si landreli vambe vanungungulu gasi mu va khozela; khu kharato mu na simama gu khala ga litigo nyi mi ningidego enu ni vababe vanu; aholu enu mu di sega dzindzeve dzanu mu si dzumeli gu nyi yingisa.

Jeremiya 36:26

Gu diga nya isoso, mufumeli a di ninga nayo ga Jerameyeli, mwamana wa Hameleki, ni Seraya, mwamana wa Aziriyeli, ni Selemiya, mwamana wa Abhidheyeli, guya mola mulovi Bharuki, ni muprofeti Jeremiya; aholu Pfhumu Nungungulu a di va sihide.

Jeremiya 4:14

Handza monyo wago uwe Jerusalema, diga gu gira guvivba, gasi u kodze gu mana guvbanya! Kala lini nu gu fundrela makungo nya guvivbe monyoni gwago?

Jeremiya 44:4

Gukhugela guhegulani nyi mi rumedeni vaprofeti, a gu sithumi sangu guta mi kawuka gukheni, mu nga giri silo nya gunyenyeze kholu Eni kha nyi si goli.

Jeremiya 6:8

Uwe Jerusalema dzi laye, gasi nyi si gu pfhurareli; ni gu pfhungumudwa u khala marumbi, litigo li si khadwigo khu muthu.

Hoseya 11:2

Aholu, avbo eni nyi nga bani nyi gu va rana, avo va di simama gu bomba va nyi pfhurarela. Va girela miphaso vanungungulu nya Vabhahali ni gu vbisela libani sifananiso nya guvatwe.

Hoseya 11:7

Kholu vathu vangu va thendregedzide va nyi pfhurarela; ambari va gu ranwa khuye a Khusegidego Ngudzu, mwalo ni moyo a dzumelago gu mu ninga githawo.

Hoseya 7:13

Va na thegedwa khu libango, kholu va hambanide neni! Gumbembiswa gu nata vbakari gwawe, kholu va nga nyi wugelago! Nyi ngu gola gu va dzegisa, aholu avo va gu ganela malipha khu eni.

Zakariya 1:4

Mu nga girini kha nga vababe vanu, va nga huweledwa khu vaprofeti nya guhegule, va nga ganela gwawe, khavo: Pfhumu Nungungulu nya Tshivba Yatshavbo, a ngu ganela kharati, khuye: Vbindrugedzani, mu diga dzindzila dzanu nya guvivbe ni mithumo yanu nya gunyenyeze. Aholu avo kha va nyi yingisa, gambe gima kha va thela kota khu eni, a ngu ganela Pfhumu Nungungulu.

Matewu 22:3

A di ruma sithumi saye guya rana vathu a nga bani a va rambide, aholu avo va di bomba.

Matewu 22:6

Gasi vambe va di wugela sithumi sile, va si songa.

Matewu 23:30

“Nari pwani hi di vbanyide gikhati gya vababe vathu na ha sa hengela navo gu songa vaprofeti.”

Matewu 23:31

Kharati mu ngu dzi thuledza gukhenu mu sanana sa vale va nga songago vaprofeti.

Matewu 5:12

“Nengelani mu ghiya, kholu tshatshazelo wanu wu na bani wuri wukhongolo Ndzadzini. Kholu khidzo kharati va nga sanisago khidzo vaprofeti va gale.

Luka 15:28

Mwama nya koma a di goroga, a si dzini ni gu bela. Aholu, babe waye a diya mu khongotela gu bela.

1 Vatesalonika 2:15

Avo va di songa Pfhumu Jesu, ni vaprofeti, va tutumisa ethu nethu. Avo kha va tsakisi Nungungulu, kha va vbweti nya sadi ga vathu.

Gutuledwa 17:6

Nyi di wona nyamayi wule na gu levide khu novba wa va nya gukatega ni novba wa dzifakazi dza Jesu; na nyi mu wone nyi di liwuga ngudzu.

Rute 2:12

Pfhumu Nungungulu a na gu bweledzele mithumo yago, u hakha tshatshazelo nya yikhongolo khu ga Pfhumu Nungungulu wa Israyeli, Uye u dzudego vbavbatshi nya dzimbapi dzaye gasi guta mana wuthavelo.”