Matewu 23:13 - Bhibhiliya Nya Guage

¹³ Libango gwanu, enu vapfhadzi, vahevbudzi nya Nayo ni Vafarisi, kholu mu ngu segela vathu malimba nya Mufumo wa Ndzadzini; kha mu beli enu, gambe kha mu digi va bela avo va dzinago.

Matewu 23:13 Iomraidhean Croise

Isaya 33:14

Sighohi sa gigomoni gya Siyoni, si tade khu hwanga, va nya guvivbedwa khu monyo, va ngu ndrendremela, khavo: “Khu mani vbakari gwathu a na tiyago gu ema mbeli nya nilo nya mavbiselo yaya? Khu mani vbakari gwathu a na vbanyago malavbelavbeni nyamba tshimega, na?”

Zakariya 11:17

Libango ga muhavisi nya gipumbu, a si sayisigo tshambi; a na paywe libogo laye khu litshari, li mu pole liso la nyamudye; libogo laye latshavbo li na bange ni liso laye la nyamudye li na khale gidzogo.

Matewu 23:16

Libango gwanu, sikhumunu, mu vbwetago gu phara kunga sikhumu sikwanu, na mu gukhenu: “Uye a sambanyago khu lina nya Nyumba ya Nungungulu mwalo giguruvedzo gya gilo, aholu uye a sambanyago khu ndralama yi gomo Nyumbani ga Nungungulu a na ni giguruvedzo nya gulandrise gisambanyo gyaye.”

Matewu 23:23

Libango gwanu, vapfhadzi nenu, vahevbudzi nya Nayo ni Vafarisi, mu hengago gikhaba nya mitongwe yatshavbo, nesi nya gupitele kiso guhodza, aholu mu si theli kota khu litshina nya milayo yatshavbo, a gu: Gululama, wuhindzi, ni gutumbega. Esi khiso mu nga vbweta gu phela khiso mu gira, nyamba diga sile simbe.

Matewu 23:25

“Libango gwanu, vahevbudzi nya Nayo ni Vafarisi, kholu mwa gu handza mbiya ni khokho khu vbavbandze, narigu ndrani gakone si tade khu wuvafa ni ndrwadza.”

Matewu 23:27

Yuyu va nya libangonu, vapfhadzi, vahevbudzi nya Nayo ni Vafarisi, kholu mu ngu fanana ni marowo ma gu ni phembe nya guage, ma mburisedwa gwadi khu vbavbandze, nari gu khu ndrani ma tade khu marambo ni mahine.

Matewu 23:29

Libango gwanu, vapfhadzi, vahevbudzi nya Nayo ni Vafarisi, mu girago siwindri marowoni ya vaprofeti, bwelo khavbo mu mburisela marowo ya va nya ndruda, na mu gukhenu:

Matewu 3:7

Aholu, na wonide nya gukhuye Vasadhusi nya vangi ni Vafarisi va di guta navo gasi guta bhapatiswa khuye, a di va embela, khuye: “Enu livelego nya dzinyoga! Khu mani a nga mi ruma gu thava likhulo litago?

Luka 11:52

Libango lanu enu, vahevbudzi nya Nayo, kholu mu pharide dzipfhungulo nya wukhodwa, aholu kha mu beli, gambe mwa gu himbedzela ni vale va vbwetago gu bela.”

Johane 9:22

Vavelegi vaye va di ganela kharati khu gu thava vakhongolo nya Vajudha, kholu vakhongolo nya Vajudha va di hungide gikungo nya gukhavo: “Uye a na ganelago gukhuye Jesu khuye Kristo, a na tutumiswe nyumbani nya nombelo.”

Johane 9:24

Va di rana nyaluphye wule a nga bani ari gikhumu, va mu embela, khavo: “Sambanya lisine mbeli gwa Nungungulu! Ethu hi ngu dziti gukhethu muthu yoyo gighohi.”

Johane 9:34

Va di mu hakha, khavo: “Uwe muthu u velegidwe wurumba wago mu gighohoni. Olu wa guvbweta gu hi hevbudza?” Khavbo avbo, va di mu tutumisa.

Mithumo 13:8

Aholu, Elimasi, lina li tshamuselago pwani nya wun'yanga a di va wugela, na gufela gu ndreyisa mufumeli wule ndzilani nya wukhodwa.

Mithumo 5:28

“Ethu hi mi himbedzedeni khu tshivba guhevbudza khu lina lolo, aholu enu mu tadzile Jerusalema khu sihevbudzo sanu, gambe mwa guvbweta gu hi ninga nandru khu gufa nya muthu yoyu.”

Mithumo 5:40

Na va ranide vapostoli va di va kwamula va gu va laya gumba ganela gambe khu lina la Jesu. Khavbo avbo, va di va tshula.

Mithumo 8:1

Sawule nuye a di tsakiswa khu gufa gwa Sitefane. Litshigu lolo va di gira liphulo nya gugimbile va molela vakhodwa vatshavbo va Jerusalema. Vatshavbo va di thava va phalalega ni litigo la Judheya ni Samariya, va tshala Vapostoli basi.

2 Thimoti 3:8

Nga olu Janesi ni Jambiri va nga wugela Mosi, ava navo va wugede lisine, vathu nya mapimo nya gufe ni gukhodwa vbadugwana.

2 Thimoti 4:15

Dzi wonele nuwe gwaye kholu khuye a nga wusa sigaradzo ni gu ganedza tshumayelo yathu.