Matewu 21:41 - Bhibhiliya Nya Guage

⁴¹ Va di hakha, khavo: “A nata va songa vatshavbo, nyamba kanakana, a dzega lithembwe a tshiyedza vambe valimi avo va na mu ningago mihandro khu gikhati gi vbwetegago.”

Matewu 21:41 Iomraidhean Croise

Dzindzimo 2:9

U na ma pandra khu ndronga nya dzisimbi, u na ma khungumulela kha nga kanvu nya libumba.

Isaya 65:15

Malina yanu ma na tshala na mari givalo vbakari ga sihathwa sangu, Mune, Pfhumu Nungungulu, a na mi songa; aholu sithumi saye, a na si rana khu limbe lina.

Dhaniyeli 9:26

Khu hwane nya livbandre na limwedo magumi dzisemana, Gihathwa gya Pfhumu, gi na songwa, kha gu na manega uye nya gu mu emele. Lidhoropa ni nyumba nya miphaso, si na khungumudwa khu dzinyimbi dza mufumeli a na gutago. Mahegiso gwaye gu na gira nga ndrambi yi resago nyimbi ni gu sasela nya gupfhungumule kala mahegiso; si vegisidwe kharato.

Zakariya 12:12

Litigo latshavbo li na lila, linyumba ni linyumba li na gira gyaye gililo: Lihundzu la Dhavhidhe vama khu yawe phuvbo; ni vanyamayi vakone navo khu yawe phuvbo; linyumba la Natani, vama khu yawe phuvbo, ni vanyamayi vakone navo khu yawe phuvbo.

Zakariya 13:8

Tigoni momu gwatshavbo, a ngu ganela Pfhumu Nungungulu; gu na girega gu, sipandre sivili nya vathu va tigoni si nafa si mbemba, gu tshala basi gipandre nya wuraru gi na vbulugago!

Matewu 21:34

Na yi vbohide nango, a di rumela sithumi saye ga valimi vale, gasi guya hakha mihandro yi mu lumbago.

Matewu 21:40

Ina litshigu a na tago mune lithembwe, ginani a nata girago ga valimi vale?”

Matewu 21:43

“Khu kharato, nyi ngu mi embelani, kheni: Mu na dzegedwani Mufumo wa Nungungulu wu ningedwa ga lihundzu li na gu thelago mihandro.

Matewu 3:12

A na ni gisalava mandzani gwaye; a na vbiyela githala gyaye, a vbevbera dzimbewu a thela mugisangalani, gasi mafisi a na ma vbisa niloni nyamba tshimega.”

Luka 20:16

A nata va songa vatshavbo, a gu dzega lithembwe a tshiyedza vambe valimi.” Na va pwide esi, va di khavo: “Si nga tshuki si girega nya nga isoso!”

Mithumo 15:7

Gu di manega gu ganedzisana nya gukhongolo ngudzu, Pedro a khuga a ema, a ganela, khuye: “Vandruye, mu ngu dzitini nya gukhenu Nungungulu a nyi hathide vbakari gwanu, gukhugela matshiguni nya guhegule, gasi va nya mayigo vapwe Ivhangeli khu kanani gwangu, va khodwa.

Mithumo 18:6

Na wone gu bomba gwawe ni gupwa magana nya guvale, a di khuga a phuphutha dzingandzu dzaye a va embela, khuye: “Novba wanu wu na vbalagele mihungoni gwanu, eni kha mu nyi woni, nyi agide, gukhugela muhuno nyi na hongola ga va nya mayigo.”

Mithumo 28:28

“Khalani na mu gu dziti nya gukhenu Mahungu yaya nya guvbanyise hi ningwago khu Nungungulu ma tivisidwe ga va nya mayigo, gambe avo va na ma hakha.”

Mithumo 28:8

Babe wa Pabhiliyo a diri vbadawutunu, na gu dwala khu ndrani ni feveri. Pawulo a diya mu holela. Na giride nombelo, a di mu handzega mandza hungoni, a mu hawulugisa.

1 Vatesalonika 2:16

Va gu vbweta gu himbedzela gu tshumayela ni gu vbanyiswa va nya mayigo. Khu guralo, va tadzide pimo nya sighoho sawe. Aholu, likhulo la Nungungulu li va fenengedzide.

Vahebheru 12:25

Dzi woneleni! Mu nga bangisi mihungo yanu mwa gupwa oyu a ganelago. Ava va nga bomba gupwa oyu a nga va resela Mahungu ya Nungungulu mafuni, gima kha va vbuluga gutsayiswa. Khu guralo, kha hi na dzi kodza guvbuluga ethu ha gu bomba gupwa oyu a ganelago khu ndzadzini.

Vahebheru 2:3

Hi na vbulugisa guwani ethu, ha gu nyenya guvbanyiswa gogu nya gukhongolo? Guhegula khuye mune Pfhumu a nga tivisago guvbanyiswa gogu. Khu hwane, vale va nga mu pwago, vata hi tivisa ethu gukhavo lisine.