Matewu 21:34 - Bhibhiliya Nya Guage

³⁴ Na yi vbohide nango, a di rumela sithumi saye ga valimi vale, gasi guya hakha mihandro yi mu lumbago.

Matewu 21:34 Iomraidhean Croise

Isaya 5:4

Hwane nya gu bani nyi giride satshavbo sesi, ginani gambe nyi nga yela gu gira ga lithembwe langu, nyi ngamba gi gira? Eni nyi di gu lirela gu hakha dziuvha nya dzadi, khu ginani olu ilo li nga velega idzo nya guvave, na?

Jeremiya 35:15

Gukhugela gale nyi mi rumedeni sithumi sangu, vaprofeti, gasi si mi embela, khiso: Vbindrugedzani mu ndreya ndzilani nya guvivbe, mu gira mithumo ya yadi mu si landreli vambe vanungungulu gasi mu va khozela; khu kharato mu na simama gu khala ga litigo nyi mi ningidego enu ni vababe vanu; aholu enu mu di sega dzindzeve dzanu mu si dzumeli gu nyi yingisa.

Matewu 21:35

Aholu valimi va di wugela sithumi sile: Va gu veta gimwegyo, va songa gimbe, va pfara gimbe khu siwindri:

Matewu 21:38

Aholu valimi, na va wone mwamana waye, va di embeledzelana, khavo: ‘Khuye oyu a na gu tshalago ni thomba. Hongoleni hi mu songe, gasi hi na tshala nayo ethu.’

Matewu 21:40

Ina litshigu a na tago mune lithembwe, ginani a nata girago ga valimi vale?”

Matewu 21:41

Va di hakha, khavo: “A nata va songa vatshavbo, nyamba kanakana, a dzega lithembwe a tshiyedza vambe valimi avo va na mu ningago mihandro khu gikhati gi vbwetegago.”

Matewu 22:3

A di ruma sithumi saye guya rana vathu a nga bani a va rambide, aholu avo va di bomba.

Marko 12:1

Khu hwane, Jesu a di phela gu ganela vbakari gwawe khu sipimaniso, khuye: “Muthu nya gukari a di yala lithembwe nya miuvha, a li bhiya, a gira gikhwathi, a vbaha gitezi, na vbedzide, a di tshiyedza valimi, a endra a gu hongola hwindzo.

Marko 12:7

Aholu valimi va di embeledzelana khu gyawe, khavo: ‘Khuye oyu a na tshalago ni thomba, hongoleni hi mu songe, hifela gu tshala nayo ethu.’

Marko 12:9

Ginani a na girago mune lithembwe? Khu lisine, a na wuya a ta mbembisa valimi vale a dzega lithembwe a tshiyedza vambe valimi.

Luka 20:9

Khavbo avbo, Jesu a di phela gu ganela vbakari nya vathu, a gu va ninga gipimaniso gegi, khuye: “Muthu nya gukari a di lima lithembwe nya miuvha, a li tshiyedza valimi, a gu endra nya guya vbedza matshigu nya gulaphe, vbavbandze nya mayigo.