Matewu 21:26 - Bhibhiliya Nya Guage

²⁶ Gasi ha gukhethu: Khu gwa vathu, hi na wugedwa khu vathu, kholu vatshavbo va ngu muti Johane kha nga muprofeti nya gutale.”

Matewu 21:26 Iomraidhean Croise

Isaya 57:11

Aholu khu mani u nga khala khuye hwanga mwendro gu mu thava, gu kala u lipha u si nyi alakanyi ambari gu thela kota khu eni? Gasi khu nyi thavi, kholu nyi nga degulago gikhati nya gulaphe, gani?

Matewu 11:9

Gasi ginani mu nga ya gi wona, na? Muprofeti? Ina. Khidzo nyi mi embelago, guvbindra ni muprofeti.

Matewu 14:5

A di dogorede gu mu songa, aholu a di thava vathu, va nga bani va gu muti kha nga muprofeti.

Matewu 21:11

Gidzemo gi di hakha, khigyo: “Khu Jesu, muprofeti wa Nazareta gwa Galileya.”

Matewu 21:25

Nga nyi embelani: Ina gubhapatisa ga Johane gwa guta khu evbi? Khu ga Nungungulu mwendro khu gwa vathu?” Aholu va di phela gu temarisana khu gyawe, khavo: “Ha gukhethu khu ga Nungungulu, a na, khuye: ‘Khu ginani mu ngamba khodwa gwaye?’

Matewu 21:27

Khavbo avbo, va di mu hakha, khavo: “Ahati.” Uye nuye a di va hakha, khuye: “Eni neni kha nyi mi embelini umo nyi yi manago tshivba nya gugire esi!”

Matewu 21:46

Va di vbweta lipindru nya gu mu mole, va li hamuga, kholu va di gu thava gidzemo gi nga bani gi muti kha nga muprofeti.

Marko 11:32

Aholu ha gukhethu gu diri ga vathu, hi na wugedwa khu vathu, kholu vatshavbo va di gu wona Johane kha nga muprofeti nya guvbelele.”

Marko 12:12

Na va dzitide nya gukhavo gipimaniso gyogyo gya gu thula avo, va di vbweta ndzila nya gu mu mole, aholu, khu gu thava gidzemo, va di mu diga va hongola.

Marko 6:20

Kholu Herodhi a diri ni githawo ga Johane khu gu muti khuye muthu nya ndruda a agidego, a di mu vhikela. Uye, khu gu mupwa basi na gu ganela a di hambanega mapimo, aholu, a di mu yingisa khu gunengela.

Luka 20:19

Avbovbo, vahevbudzi nya Nayo ni vakhongolo nya vaphasi nya mhamba va di vbweta gu mu mola, aholu va di thava gidzemo, kholu va di wona nya gukhavo gipimaniso gile gi di thula avo.

Luka 20:6

Aholu ha gukhethu khu ga vathu, hi na rinyedwa siwindri khu vathu, kholu vatshavbo va gu wona Johane kha nga muprofeti nya lisine.”

Luka 22:2

Vakhongolo nya vaphasi nya mhamba ni vahevbudzi nya Nayo va di vbweta lipindru nya gusonge Jesu, aholu va di gu thava gidzemo.

Johane 5:35

Johane a diri mwenge wu nga bani wu gu khondra wu wenengedza vbakari gwanu; enu khu matshigwana madugwana, mu di tsakiswa khu mwenge waye.

Johane 9:22

Vavelegi vaye va di ganela kharati khu gu thava vakhongolo nya Vajudha, kholu vakhongolo nya Vajudha va di hungide gikungo nya gukhavo: “Uye a na ganelago gukhuye Jesu khuye Kristo, a na tutumiswe nyumbani nya nombelo.”

Mithumo 5:26

A di hongola muthangeli nya Nyumba ya Nungungulu ni dzindruna dzaye vaya va dzega nyamba va gurumedza khu tshivba, kholu va di gu thava gu pfarwa khu siwindri khu vathu.