Matewu 20:8 - Bhibhiliya Nya Guage

⁸ Na li hwide, mune lithembwe nya miuvha a di ruma ghadhi, khuye: ‘Rana sithumi u si hakhisa; phela khavo va nga hegisela gu vboha, u hegisela khavo va nga phela.’

Matewu 20:8 Iomraidhean Croise

Genesi 15:2

Khavbo avbo, Abrama a di hakha, khuye: “Pfhumu Nungungulu wangu, ginani U na nyi ningago, olu nyi nafago nyambana sanana, Eliyezeri, givelegwa gya Dhamasiko khuye a na khalago mune ndranga yangu.”

Genesi 43:19

Va di hidzimela ga muthangeli nya ndranga ya Josefa, va ganela naye mwanyani nya ndranga,

Levhi 19:13

U nga bi mwendro gudzega gilo gya muthu kwanu. U nga hweli gulivba githumi gyago u khala ni hakhelo yaye kala limbe litshigu.

Matewu 20:7

Va di mu hakha, khavo: ‘Ha gu hamuga muthu nya gu mu thumele.’ A di khuye: ‘Indrani nenu thembweni gwangu mu na hakha iso si vbwetegago.’

Matewu 20:9

Na va vbohide avo va nga belago ni silambo, muthu ni muthu a di hakhiswa tsapawu mweyo.

Matewu 25:19

“Na ma vbindride matshigu nya gulaphe, yi di wuya pfhumu ya sithumi sile yita vbweta guti ginani va nga tshala va gira khu dzitsapawu dzile.

Matewu 25:31

“Gikhati Mwamana wa Muthu a na gu tago na tade khu gidhumo gyaye, nari ni satshavbo sihathwa ni dzingilozi dzatshavbo, gumogo naye a nata khala vbagikhalotunu gwaye nya wufumu.

Luka 10:7

Mu nga legalegi khu ndranga ni ndranga. Khalani ndranga mweyo, mu hodza ni gu sela iso va gu naso, kholu githumi gi na ni fanelo nya guhakhiswe.

Luka 12:42

Pfhumu a di phindrula, khuye: “Khu gevbini githumi nya guthembege, nya gugengele, gile gi na vegwago mbeli nya sithumi sikwawe khu mune ndranga, gasi gu ninga guhodza sithumi sikwawe khu gikhati gi vbwetegago?

Luka 8:3

Jowana, ngadza Kuza, muthangeli nya madhota ya Herodhi; Suzana, ni vambe nya gutale, va nga bani va gu phasa Jesu khu silo sawe.

2 Vakorinto 5:10

Kholu hatshavbo hi na ema phathani ga Kristo, gasi moyo ni moyo a hakhe fanelo yaye, nya esi a nga si thuma nya sadi ambari nya guvivbe na nga gu vbanya givilini momu.

Dhewuteronome 24:15

Mu ninge hakelo yaye khu litshigu lolo li si gu pfoli lidambo, kholu uye gisiwana, a gu lirela gu hakha gasi gu vbanya khiso; kholu a nga womba huwa ga Pfhumu Nungungulu, u manega nuri ni nandru.

Tito 1:7

Kholu muthangeli nya Libandla, a rwadego thumo nya gusayise silo sa Nungungulu, gu vbwetega nari muthu nyambana gihoso, nyamba dzi gugumugisa, nyambana wukhusu, a si gu bewudzi, nyambana sighirimuka, a si gu pari nya wugwewo nya guvivbe.

Vahebheru 9:28

Khu magirelo ya mamowo, Kristo nuye, ningedwe gumogo basi a gu khala mhamba nya guhandze sighoho nya vathu nya vangi. A na wuya nya wuvili, nasiri guta handza gambe sighoho, aholu, guta vbanyisa ava va virelago uye.

1 Pedro 4:10

Khalani vagimbidzisi nya vadi nya siningwa mu hakhidego ga Nungungulu. Muthu ni muthu a na thumise giningwa gyaye afela gu phasa vakwawe.

Rute 2:6

Muthangeli nya vavbweri a di mu phindrula, khuye: “Oyu nyamahegyane nya lifumbu la Mowabhi a nga wuyago ni Nowemi khu tigoni ga Mowabhi.”