Matewu 20:28 - Bhibhiliya Nya Guage

²⁸ Kholu Mwamana wa Muthu nuye kha tela guta thumedwa, aholu guta thumela ni gu ningela womi waye gasi gu dzegisa va nya gutala.”

Matewu 20:28 Iomraidhean Croise

Joba 33:24

yi na mu pwela wusiwana yi embela Nungungulu, khiyo: Mu tshudzise a si thegeli phalani nya lufu nyi mane igyo nya gulivbe khigyo nandru waye.

Dzindzimo 49:7

Muthu kha dzi kodzi gu dzegisa ndriyaye, ambari gu livba tengo waye ga Nungungulu;

Isaya 53:5

Aholu, uye payidwe khu kotani nya sighoho sathu, a pfareledwa khu kotani nya guvivbe gwathu; tsayiso wu nga hi resela gurula, wu thegede vbatshani gwaye, khu kotani nya dzimbanga dzaye, hi manide guvbanyiswa.

Isaya 53:8

A di modwa khu dzihanyi a lamudwa, a di duswa mafuni, khu mani a na sayago matshigu nya guvbanye gwaye? Kholu, a di duswa tigoni nya vathu nya guvbanye khu kotani nya sighoho sa vathu vangu.

Mitengo 7:15

ni gimombyana gimwegyo, ginvutana gimwegyo ni gihambana gimwegyo nya mwaga moyo, gasi gu gira phaso nya guvbiswe;

Matewu 20:27

Oyu a golago gu khala nari nya guhegule vbakari gwanu, a na khale khumbi yanu.

Matewu 26:28

Kholu owu novba wangu, novba nya gidzumeledzwano giphya wu na vbaladzedwago va nya gutala, gasi gutsetseledwa sighoho.

Matewu 8:20

Jesu a di mu hakha, khuye: “Migehe yi na ni mavbala yawe; sinyoni sa damboni si na ni sihaga sawe. Aholu Mwamana wa Muthu mwalo avbo nya gukhihimele hungo waye.”

Marko 10:45

Kholu, Mwamana wa Muthu nuye kha tela guta thumedwa aholu, guta thumela ni gu ningela womi waye gasi gudzegisa va nya gutala.”

Marko 14:24

a di va embela, khuye: “Owu novba wangu; novba nya gidzumeledzwano nya giphya, wu na vbaladzedwago va nya gutala.

Luka 22:27

Gasi khu mani a gu khongolo: Uye a khalago vbamezatunu mwendro khuye a ningago guhodza, gani? Khu lisine khongolo khu wule a khalago vbamezatunu! Gani olu eni nyi womo vbakari gwanu kha nga wule a mi thumelago.

Johane 10:15

Kha nga olu Babe a nyitigo, eni neni nyi ngu muti Babe wangu; gambe nyi ngu ningela womi khu gufela dzinvuta dzangu.

Varoma 4:25

Uye a di ningedwa a gu songwa khu kotani nya sighoho sathu, aholu wugide gasi gu hi gira vathu nya gululame mbeli gwa Nungungulu.

2 Vakorinto 8:9

Mu ngu wuti wuhindzi wa Pfhumu yathu Jesu Kristo: Uye a nga bani fumide, a di dzi gira gisiwana khu kota yanu, mufela gu mana gufuma khu kota nya wusiwana waye.

Vagalatiya 3:13

Kristo a hi vbulugiside ga givalo nya Nayo khu gu dzi ningela a vadwa wulangani gwathu. Kholu Milowo nya Guage yari, khiyo: “Vadwe muthu watshavbo a vbayegwago vbagihambanotunu.”

Vaefeso 1:7

Guvbanya ha gu gu mana khavbo gwaye, khu novba waye hi mane gu tshulega ni gu divaledwa sighoho sathu khu gutala nya wuhigo waye,

Vaefeso 5:2

Vbanyani khu lihaladzo, kha nga Kristo a nga hi haladzago a dzi ningela khu kotani yathu “a khala mhamba nya phaso nya mahema nya gunungele gwadi ga Nungungulu.”

1 Thimoti 2:6

a nga ningelago guvbanya gwaye khu gufela gu vbanyisa vathu vatshavbo. Khayo Mahungu ma khalago wufakazi, ma vegidwego khu gikhati gyakone.

Tito 2:14

Uye a di dzi ningela wurumba waye kotani gwathu, afela gu hi vbulugisa guvivbani gwatshavbo, a hi gira vathu nya guage va lumbago uye basi, va dzi vegisedego gu gira esi nya sadi.

Vahebheru 2:10

Khu lisine, a diri fanelo ya Nungungulu, Pfhumu ni Muvangi nya silo satshavbo, gu gira Jesu a khala muthu nya guvbelele khu sitshaniso, ni gu yisa wudhumoni sanana saye nya singi, kholu Jesu khuye a si yisago guvbanyani.

Vahebheru 5:8

Ambari ulo a nga bani ari Mwamana wa Nungungulu hevbude gu yingela khu sisaniso a si manego.

Vahebheru 9:28

Khu magirelo ya mamowo, Kristo nuye, ningedwe gumogo basi a gu khala mhamba nya guhandze sighoho nya vathu nya vangi. A na wuya nya wuvili, nasiri guta handza gambe sighoho, aholu, guta vbanyisa ava va virelago uye.

1 Pedro 2:24

Uye wurumba waye, dzegide sighoho sathu givilini gwaye a si vbayega vbagihambanotunu, gasi ethu na hi fude ga gighoho, hi vbanya lisineni. Kristo bayisidwe gasi enu mu mane guvbanyiswa.

1 Pedro 3:18

Kristo nuye fude gumogo basi khu kotani nya sighoho, na gufela enu. Muthu nya wadi afela va nya guvivba, gasi gu va yisa ga Nungungulu. Uye fude khu givili, aholu wusidwe khu Liphuvbo nya Guage.

1 Johane 2:2

Kholu, Jesu Kristo a dzi ningede a songwa a gu khala mhamba gasi sighoho sathu si gu tsetseledwa, nasiri esi sathu basi, aholu ni sa vathu vatshavbo.

Gutuledwa 1:5

Ni ga Jesu Kristo fakazi nya guthembege, matiwula nya vafi vatshavbo a gu Pfhumu nya vafumeli va mafuni. Uye a hi haladzago a nga hi tshulago sighohoni gwathu khu novba waye;