Matewu 20:25 - Bhibhiliya Nya Guage

²⁵ Jesu a di va rana, a va embela, khuye: “Kha nga mu dzitigo, vafumeli nya mayigo va gu ma fuma khu tshivba; ni dzindruna dzakone dza gu gola gu tidwa nya gupwani khidzo dzi rumago.

Matewu 20:25 Iomraidhean Croise

Dhaniyeli 3:15

Gasi olu, nyi embeleni gu ni gevbini gikhati mu na gu pwago gudzuma nya pundru, nya ngoma, nya gitendre, nya hwambi, nya tsholi, nya sengele ni satshavbo siwombawomba si ningago wutsendze, khidzimani mu khozela gifananiso nyi nga gi emisago. Mwa gumba girani kharato mu na dzegela gu modwa mu rinywa niloni gidhingiseloni nya gudzure ngudzu. Hi na wona gukhethu khu wevbini Nungungulu a na gu mi vbulugisago mandzani gwangu.

Dhaniyeli 5:19

Khu kotani nya wugulu a nga ningwago khu Nungungulu, vathu vatshavbo, mayigo ni mafumbu nya guhambanelane va di ndrendremela mbeli gwaye; a diri ni tshivba nya gusonge uye a mu golago, ni gu diga uye a mu golago. A di khusedza uye a mu golago ni gu vbwasamisa uye a mu golago.

Matewu 11:29

Rwalani pingwi wangu, mu hevbula kheni nyi gu ni monyo nya gurule nuwo nya gu dzi sodzise, gasi mu mane gutangala nya mihefemulo yanu.

Matewu 20:24

Na va pwide esi, vambe vale nya likhumi, va di wugela vandruye vale va vavili.

Marko 10:42

Khavbo avbo, Jesu a di va rana a gu va embela, khuye: “Kha nga mu dzitigo gwadi, vafumeli nya mayigo va gu ma fuma khu tshivba, ni dzindruna dzakone dza gu vbweta gu tidwa pwani khidzo dzi rumago.

1 Pedro 5:3

Mu nga dzi girini vamune, mu khozisa vathu mu ningidwego, aholu khalani giwonelo nya tshambi.