Matewu 20:22 - Bhibhiliya Nya Guage

²² Jesu a di mu phindrula, khuye: “Nigyo mu lombago kha mu giti. Ina enu mu ngu dzi kodza gu sela gikombe nya gusaniseke nyi vbwetago gu sela, gani?” Va di khavo: “Ina, hi ngu dzi kodza.”

Matewu 20:22 Iomraidhean Croise

Dzindzimo 75:3

Li na ndrendremele litigo ni vathu va vbanyago umo, ambari khu guralo, nyi nga na gu tiyisa madingo yaye.

Mavingu 16:18

Matshandza ma gu rana libango, ni gu dzi khusedza gwa gu thangela lufu.

Isaya 51:17

Khendzuga! Khendzuga! Khuga u ema uwe Jerusalema! Uwe u sedego khu mandzani ga Pfhumu Nungungulu gikombe nya likhulo laye. U sede gikombe gi levisago kala u vbedza ni giminya gyakone, u leva.

Isaya 51:22

Mune, Pfhumu Nungungulu wago, oyu a dwanelago litigo laye, a ngu ganela kharati, khuye: “Wona nya gukhuwe nyi duside khu mandzani gwago gikombe nya likhulo langu li gu levisago, gima khu na gi sela gambe.

Jeremiya 49:12

Kholu Pfhumu Nungungulu a ngu ganela kharati, khuye: “Vale va nga bani va si yeli gu sela gikombe gegi, gu vbwetega va gi sela, ahati uwe u na vbuluga u si gi seli, gani? Ahihi! Uwe nuwe kamwe u yede gu gi sela.”

Matewu 26:35

Pedro a di khuye: “Ambari gu lomba gufa nago, kha nyi na gu danga.” Vapizane vatshavbo va di ganela navo kharato.

Matewu 26:39

Na leyide vbadugwana, a di khidzima a gu kuha vbavbatshi khu khovbe, a lomba, khuye: “Baba, gwa gu kodzega, nyi ndreyisele gikombe gegi nya wuvi gi vbindre avbo gwangu. Ambari ulo, gu nga giregi guhaladza gwangu; aholu, guhaladza gwago.”

Matewu 26:42

A di hongola nyaluphye aya lombelela, khuye: “Baba, gwa gu kodzega, nyi vbulugise ga gikombe gegi. Aholu, gu na girege guhaladza gwago!”

Matewu 26:56

Aholu satshavbo sesi sa gu girega, gasi gu tadzisega Milowo ya vaprofeti.” Khavbo avbo, vapizane vatshavbo va di mu tshiya enga, va gu thava.

Marko 14:36

A di khuye: “Abba, gutshamuselago gupwani Baba! Avbo gwago si ngu kodzega satshavbo, nyi ndreyisele gikombe gegi. Ambari ulo gu nga giregi gugola gwangu, gu na girege gugola gwago.”

Luka 12:50

Gu ngu vbwetega gu eni nyi hakhe gubhapatiswa nya gukari. Nyi ngu saniseka ngudzu kala gu esi si girege.

Luka 22:42

“Baba, wa gu dzina nyi leyisele gikombe gegi nya wuvi. Ambari ulo, gu nga giregi guhaladza gwangu; aholu, ugo gwago.”

Johane 18:11

Aholu, Jesu a di embela Pedro, khuye: “Vega litshari wulangani gwaye. Wa guvbweta khuwe nyi si seli gikombe nya gutshaniseke nyi nga ningwago khu Babe wangu, gani?”

Varoma 8:26

Khidzo nugo kharato, Liphuvbo nya Guage li ngu hi phasedzela ethu hi gu mwalo tshivba. Khu lisine, ethu kha hi kodzi gu lombelela kha nga edzi gu vbwetegago khidzo. Aholu, ilo labune Liphuvbo nya Guage khilo li hi lombelelago ga Nungungulu khu gudilela gule nya gumba dzi kodza gu tshamusedwa khu magana.

Jakobe 4:3

Mwa gu lomba, kha mu ningwi, kholu, kha mu kodzi gu lomba. Enu mwa gu lombani silo nya gutsakise sivili sanu.