Matewu 20:19 - Bhibhiliya Nya Guage

¹⁹ va na mu ningela ga mahedheni va mu vala, va mu kwamula ni gu mu khokhothela vbagihambanotunu. Aholu khu litshigu nya wuraru a na wuga khu ga vafudego.”

Matewu 20:19 Iomraidhean Croise

Joba 30:8

Avo sanana sa vamadhadhavale, va gumba sayedwa gilo, va tutumisidwe tigoni.

Dzindzimo 35:16

Va nyi randrela na va gu nyi tsorodzela na va gu khukhurusa magwaha khu likhulo.

Isaya 26:19

Vafi vago va na bwelo khavbo va vbanya, si na duga khu marowoni sirumbi sa vathu vago, wugani mu ghiya, enu mwatshavbo mu ladego umo nya kudzudzwane nya mafu, kholu thondrwane yago uwe Pfhumu Nungungulu, ya gu fanana ni thondrwane nya guvbanyise mitongwe, kholu mafu ma na bwelo khavbo ma dusa vale va fudego.

Isaya 53:3

Uye a di nyenywa ni gu hembuludwa vbakari nya vathu; uye a diri muthu nya wuvi ni guti gutshaniseka, a di fanana ni muthu, nya gu, a gu wonwa khu vathu va mu sihalela.

Hoseya 6:2

Khu hwane nya matshigu mavili basi, a na wuyisa nyaluphye guvbanya gwathu, khilo nya wuraru, a na hi wusa, hi vbanya mbeli gwaye.

Matewu 12:40

Kha nga Jona a nga khalago girumbuni nya nyatudwi matshigu mararu wutshigu ni mihani, kharato nuye Mwamana wa Muthu a na khala vbavbatshi nya mafu matshigu mararu wutshigu ni mihani.

Matewu 16:21

Gukhugela litshigu lile, Jesu a di phela gu yeyedza vapizane vaye khuye na ni fanelo nya guhongole Jerusalema aya saniswa ngudzu khu madhota, ni vakhongolo nya vaphasi ni vahevbudzi nya Nayo, a songwa; aholu a na wuga khu litshigu nya wuraru!

Matewu 17:23

va na mu songa, aholu khu litshigu nya wuraru a na wuga.” Na va pwide esi, vapizane va di swihala ngudzu.

Matewu 27:26

Khavbo avbo, a di va tshulela Bharabhasi; gasi Jesu, a di ruma gu mu kwamula a mu ningela va mu khokhothela.

Matewu 27:63

“Mwamangulu, hi ngu dundruga nya gukhethu mukanganyisi wule na nga gu vbanya a di nga ganela, khuye: ‘Nyi na wuga hwane nya matshigu mararu.’

Marko 14:65

Khavbo avbo, vambe va di phela gu mu hetshela, va mu fenengedza khovbe khu mwendra; va mu veta khu dzipama, na va gukhavo: “Nga tumba.” Ni dzindruna nidzo dzi di mu veta khu dzipama.

Marko 15:1

Na gu ngari dzimindru, vakhongolo nya vaphasi nya mhamba va di gira tshangano ni madhota ni vahevbudzi nya Nayo, ni Huwo yatshavbo, va hunga Jesu va hongola naye ga Pilato.

Marko 15:15

Khu guralo, Pilato khu gu vbweta gu tsakisa gidzemo, a di va tshulela Bharabhasi, na rumide gu kwamula Jesu, a di va ninga gasi vaya mu khokhothela vbagihambanotunu.

Luka 18:32

A naya ningedwa ga va nya mayigo. A na vadwa, a saniswa ni gu hetshedwa.

Luka 23:11

Herodhi ni masotshwa yaye, na mu kasuwaride ni gu mu hembulula, a di ruma gu mu bweledza ga Pilato na ambagisidwe libhadzi nya gumbure ngudzu.

Luka 24:46

a gu va embela, khuye: “Gu lovidwe pwani Kristo emedwe khu gusaniseka, aholu khu litshigu nya wuraru a na wuga khu ga vafudego;

Mithumo 2:23

Mwama yoyu ningedwe khu gu dzina ni sihalo wa Nungungulu, gasi enu mu di mu ningela a khokhothedwa vbagihambanotunu khu mandza nya vathu nyambana nayo, mu mu songa.

Mithumo 21:11

A di hidzimela avba gwathu, a dzega keka wa Pawulo a dzi hunga khuwo mawundru ni mawogo yaye, a ganela, khuye: “Liphuvbo nya Guage lari khilo, Vajudha, Jerusalema, va na mola mwama a gu mune keka yoyu, va mu hungelela kharati, va mu ningela ga va nya mayigo.”

Mithumo 4:27

Khidzo khu lisine, Pontiyo Pilato ni Herodhi, gumogo ni va nya mayigo ni mahundzu yatshavbo ya Israyeli va hengede gumogo dhoropani momu, va gu wugela githumi gyago nya gukatege, Jesu u nga mu todzago mafura nya wufumu,