Matewu 20:15 - Bhibhiliya Nya Guage

¹⁵ Ina nyi mwalo fanelo nya gugire iso nyi sinago khu silo sangu, gani? Ina khandri wa gu khala lidiwo khu silo sangu, kholu eni nyi gu wadi, gani?’

Matewu 20:15 Iomraidhean Croise

Ekisodha 33:19

Nungungulu a di hakha, khuye: “Nyi na vbindrisa wuwadi wangu watshavbo mahoni gwago, nyi pwadza lina la Pfhumu Nungungulu mbeli gwago. Eni nyi ngu ninga wuhigo oyu nyi mu golago, nyi girela wuhindzi oyu a salalegisago monyo wangu.”

Mavingu 23:6

U nga hodzi guhodza ga muthu nya ligungo, ambari gu dogorela manonwa yaye;

Mavingu 28:22

Muthu nya ligungo a gu tutumela gufuma, aholu kha dziti gukhuye a na khala gisiwana.

Jeremiya 18:6

“Enu va nyumbani ga Israyeli, ina kha nyi kodzi gu mi girani kha nga idzo a girago muwumbi yoyu, gani? A ngu wudzisa Pfhumu Nungungulu. Wonani nya gukhenu kha nga libumba li manegago mandzani ga muwumbi, enu nenu mu libumba mandzani gwangu, enu mu dugelago nyumbani ga Israyeli.”

Matewu 11:25

Gikhati gyogyo, Jesu a di khusa lito, khuye: “Nyi ngu gu rungudza, Baba, Pfhumu nya ndzadzi ni mafu, kholu u sihede va nya guti ni va nya gugengela silo sesi, u si yeyedza ga va nya gusolega.

Matewu 20:14

Ina ka, dzega tsapawu yago u hongole. Nyi gode gu ninga nuye oyu nya mahegisela tengo nya gufanane ni owu nyi nga gu ningago.

Matewu 6:23

Aholu ma gu bani ma dwala, givili gyago gyatshavbo gi na khala mugidemani. Khu kharato, mwenge wu guromo milini gwago wa gu khala gidema, mili wago watshavbo wu na khala gidema nya guthise!

Marko 7:22

gumba khodwa, lidiwo, milembo, matshandza ni wupumbu.

Johane 17:2

kholu u mu ningide tshivba nya gufumele sivangwa satshavbo, gasi a ninge guvbanya nya gupindruge vatshavbo vale u nga mu ningago.

Mithumo 13:45

Vajudha na va wone gutala nya vathu va di tala khu lidiwo, va gu ganedza ni gu poyila magana ya Pawulo.

1 Vakorinto 4:7

Kholu, khu mani a nga gu ninga gu khala khongolo ga vakwanu? Iso u gu naso khandri u di ningwa, gani? Khu ginani u dzi gugumugisago gukhwatshi esi u gu naso khandri u di ningwa khu Nungungulu.

Vaefeso 1:11

Khu gwaye Kristo, hi hathidwe nethu guya ningwa thomba nya guvbanyiswe hi lulamisedwego khu gale, lihaladzo a thumago silo satshavbo khu gudzina ni gugola gwaye.

Vaefeso 2:1

Gale mu di fude hefemuloni khu kotani nya sihoso ni sighoho sanu. Uye a mi ningide guvbanya.

Vaefeso 2:5

Ethu hi nga bani hi fude khu kotani nya sighoho sathu, a hi wuside khu ga Kristo. Enu mu vbanyisidwe khu wuhigo.

Dhewuteronome 15:9

Dzi wonele, gu nga manegi mapimo nya guvivbe monyoni gwago, ambari gu ganela, khuwe: Womo vbafuvbi mwaga nya livbandre na wuvili, a gu mwaga nya tsetselelo, maho yago ma manega na ma gu vala ndriyago nya gisiwana, u si mu ningi gilo. Uye a gu lila khu uwe ga Pfhumu Nungungulu, u na manega nuri ni gighoho.

Dhewuteronome 28:54

Mwama nya ndruda, nya monyo nya wadi ngudzu vbakari gwanu, a na khala ligungo, a khedza ndriyaye khu maho nyambasi yadi, a vengelela mwangadzi waye nya gu mu haladze gumogo ni sanana saye si na gu bani si nga tshade,

Jakobe 1:18

Khu gudzina gwaye, a hi velegide khu tshivba nya lito nya lisine, gasi hi khala nga matiwula nya sivangwa saye satshavbo.

Jakobe 5:9

Vandriyangu, mu nga ganedzisani khu gyanu, gasi mu si lamudwi. Wonani nya gukhenu Mulamuli womo vbamwanyatunu.