Matewu 2:5 - Bhibhiliya Nya Guage

⁵ Va di khavo: “Khu Bhetlehema ga Judheya, kholu khidzo gu nga lowago khidzo khu muprofeti, a nga khuye:

Matewu 2:5 Iomraidhean Croise

Genesi 35:19

Rakeli a difa a gu dzingwa ndzilani nya guhongole Efrata, a gu Bhetlehema.

Matewu 2:1

Na velegidwe Jesu tigoni ga Bhetlehema ga Judheya matshiguni ya mufumeli Herodhi, va di vboha Jerusalema vagengeli va nga bani va guta khu Khugadambo.

Matewu 2:4

Na tombaniside vakhongolo vatshavbo nya vaphasi nya mhamba ni vahevbudzi nya Nayo, a di va wudzisa, khuye: “Khu hayini a na gu velegedwago avbo Kristo?”

Johane 7:42

Ina kha yi ganeli Milowo khiyo Kristo a na dugela nyumbani ya Dhavhidhe, tigoni ga Bhetlehema, a gu umo a nga velegedwa umo Dhavhidhe, gani?”

Josuwa 19:15

Gupata ni Katati, Nahalali, Siniromi, Idhala ni Bhetlehema, gu tshanganisa likhumi na mavili madhoropa ni mitalala yaye.

Valamuli 17:7

Gu diromo lidzaha limwedo nya Mulevhi nya gudugele Bhetlehema ga Judha, nya lihundzu la Judha, uye a di luvede mule.

Rute 1:1

Ga gikhati valamuli va nga bani va gu fuma, gu di manega ndzala tigoni ga Israyeli. Mwama nya gukari wa Bhetlehema tigoni ga Judha, a di hongola ni mwangadzi waye gumogo ni sanana saye sa sivili aya luvela tigoni ga Mowabhi.

Rute 1:19

Khu guralo, va di hongola vatshavbo kala va nga vbohago Bhetlehema. Na va gu bela Bhetlehema, lidhoropa latshavbo li di samala khu mahungu yawe, va ganela, khavo: “Khandruye oyu Nowemi, gani?”

Rute 2:4

Khu guralo, Bhowazi a di vboha na guta khu Bhetlehema, a ta embela vavbweri, khuye: “Pfhumu Nungungulu a na khale ni enu!” A navo va mu phindrula, khavo: “Pfhumu Nungungulu a na gu kategise!”

Rute 4:11

Vathu vatshavbo va nga bani varomo vbatshanganotunu, gumogo ni madhota va di hakha, khavo: “Ethu hi dzifakazi, Pfhumu Nungungulu, a na gire nyamayi yoyo a belago muhuno nyumbani gwago, kha nga Rakeli ni Liya, khu wuvili wawe va vbahidego nyumba ya Israyeli. Khu guralo, uwe Bhowazi tiya longo omu Ewufrate, ni lina lago li na dhumiswe omu Bhetlehema.

1 Samuweli 16:1

Pfhumu Nungungulu a di embela Samuweli, khuye: “Kala lini nu nga gulila khu Sawule. Avbo eni nyi mu nyenyidego gasi a si fumeli gambe Israyeli? Olu tadza gigasi gyago khu mafura uta; nyi na gu rumela ga Jese wa Bhetlehema, kholu vbakari nya sanana saye, nyi hathide moyo gu khala mufumeli.”