Matewu 2:23 - Bhibhiliya Nya Guage

²³ Iyo a ngaya khalago dhoropani ga Nazareta. Gu di tadzisega, kharati, iso si nga ganedwago khu vaprofeti, khavo: “A na ranwa Munazarenu.”

Matewu 2:23 Iomraidhean Croise

Mitengo 6:13

Owu khuwo nayo nya wunaziri; litshigu a tadzisago matshigu nya wunaziri waye, va na mu resa nyangwani nya Tshatsha nya Tshangano;

Matewu 1:22

Satshavbo sesi si giregide, gasi gu landrisa iso si nga ganedwago khu Pfhumu, si gu tiviswa khu muprofeti, khuye:

Matewu 21:11

Gidzemo gi di hakha, khigyo: “Khu Jesu, muprofeti wa Nazareta gwa Galileya.”

Matewu 26:71

Na gu hongola mwanyatunu, a di wonwa khu mumbe nyamahegyane nya githumi nuye, a nga embelago avo a nga bani ari navo, khuye: “Oyu nuye a diri ni Jesu, Munazarenu.”

Marko 1:24

“Ginani hi nga gu ghohelago, Jesu wa Nazareta, wa gu tela guta hi mbembisa? Nyi ngu guti khuwe mani: Khuwe Gihathwa gya Nungungulu.”

Marko 1:9

Khu matshigu yale, Jesu a di khuga Nazareta ga Galileya a gu hongola tsongoni wa Joridhani aya bhapatiswa khu Johane.

Luka 1:26

Khu ngima nya livbandre na moyo, ngilozi Gabriyeli yi di rumedwa khu Nungungulu dhoropani ga Galileya nya gupwani Nazareta,

Luka 18:37

Gi di embedwa pwani khu Jesu wa Nazareta a vbindrago.

Luka 2:39

Na va landriside satshavbo si nga bani si gu lombwa khu Nayo wa Pfhumu, va di bwelela Galileya, dhoropani gwawe ga Nazareta.

Johane 18:5

Avo va di mu hakha, khavo: “Jesu wa Nazareta.” Jesu a di phindrula, khuye: “Kheni kamwe.” Judha wule a nga mu ningela, a diri navo.

Johane 18:7

A di va wudzisa nyaluphye, khuye: “Mwa guvbwetani mani, gwadi?” Va di mu hakha, khavo: “Jesu wa Nazareta.”

Johane 19:19

Pilato a di lova gitiviso, a gi namega vbatshani nya gihambano. A di lovide, khuye: “ JESU WA NAZARETA MUFUMELI WA VAJUDHA.”

Mithumo 2:22

“Vama va na Israyeli, yingisani gwadi magana yaya. Jesu wa Nazareta dandrisidwe vbakari gwanu khu mithumo ya tshivba, ni siliwugiso, ni siwonegiso esi Nungungulu a giridego khu uye vbakari gwanu, kha nga mu dzitigo gwadi.

Mithumo 24:5

Hi wonide gukhethu oyu mwama vivbide. Khuye a wusago pfilupfilu ga Vajudha va mayigo yatshavbo. Khuye khongolo nya tsawa nya Vanazarenu.

Valamuli 13:5

Kholu wona nya gukhuwe, u na khura mimba u velega gyanana nya gikhwathana, igyo gima kha gi na vidwa ndzudzu khu gisingwana. Kholu, gyanana gegi gi na bani giri Munaziri, gi phasedwe Nungungulu gukhugela ndrani ga mayi waye, igyo gi na tshudzisa Israyeli mandzani ga Vafilisitiya.”

1 Samuweli 1:11

A di gira gisambanyo a ganela, khuye: “Ama Pfhumu Nungungulu nya Tshivba Yatshavbo, nari gukhwatshi wa gu wona tshanisa ya githumi gyago, nari pwani nya gu mana wuhigo nya gu nyi ninge gyanana nya gikhwathana, eni nyi di hadza gu gi phasela ga Pfhumu Nungungulu matshigu yatshavbo nya guvbanye gwaye, ni ndzudzu waye, wu di hadza gumba gaywa khu gisingwana.”