Matewu 2:22 - Bhibhiliya Nya Guage

²² Aholu, na pwide nya gupwani khu Arkelawo a nga tshikedzago wulanga wa babe waye kha nga mufumeli wa Judheya, a di khala hwanga gu hongola Judheya. Na layidwe khu Nungungulu khu ndroro, a di hongola tigoni ga Galileya.

Matewu 2:22 Iomraidhean Croise

Dzindzimo 121:8

Pfhumu Nungungulu a ngu gu vhikela gikhati u dugago ni gikhati u belago, gukhugela olu kala gupindruga.

Dzindzimo 48:14

Oyu khu Nungungulu, khuye Nungungulu wathu kala gupindruga; khuye a na hi endredzago kala gufa.

Dzindzimo 73:24

Khuwe u nyi gimbidzisago khu nayo wago Khu guhegisa u na nyi hakha gambe khu wuzundzo.

Isaya 30:21

Wa gu dhedhereka u ndreyela nyamudye mwendro nyambade, u napwa mahungu dzindzeveni gwago ma tago khu hwane gwago, khayo: “Eyi khiyo ndzila; gimbilani khiyo.”

Matewu 1:20

Na nga gu vinga mano yakone, a di tumbulugedwa khu ngilozi ya Pfhumu khu ndroroni, yita, khiyo: “Josefe, mwamana wa Dhavhidhe, u nga kanakani gu hakha Mariya, mwangadzi wago, kholu mimba a gu nayo khya Liphuvbo nya Guage.

Matewu 2:1

Na velegidwe Jesu tigoni ga Bhetlehema ga Judheya matshiguni ya mufumeli Herodhi, va di vboha Jerusalema vagengeli va nga bani va guta khu Khugadambo.

Matewu 2:19

Khavbo avbo, na fude Herodhi, ngilozi ya Pfhumu yi di tumbulugela Josefe khu ndroroni, tigoni ga Egipito, khiyo:

Matewu 2:21

Josefe a di khuga a dzega gyanana ni mayi waye a wuya tigoni ga Israyeli.

Matewu 3:13

Khavbo avbo, khu Galileya Jesu a dita tsongoni wa Joridhani ga Johane, gasi guta bhapatiswa khuye.

Luka 2:39

Na va landriside satshavbo si nga bani si gu lombwa khu Nayo wa Pfhumu, va di bwelela Galileya, dhoropani gwawe ga Nazareta.

Johane 7:52

Va di mu phindrula, khavo: “Uwe nuwe u wa Galileya, gani? Khedza gwadi, u na wona nya gukhuwe mwalo muprofeti a dugelago Galileya.”

1 Samuweli 16:2

Samuweli a di hakha, khuye: “Nyi na hongola kharini? Kholu Sawule a gu dziti a na nyi songa.” Khavbo avbo, Pfhumu Nungungulu a di ganela, khuye: “Dzega gimombyana u hongola nagyo u ya mu embela, khuwe: Nya guta ningela phaso ga Pfhumu Nungungulu.