Matewu 2:13 - Bhibhiliya Nya Guage

¹³ Na va hongode, ngilozi ya Pfhumu yi di tumbulugela Josefe khu ndroroni, yi mu embela, khiyo: “Khuga u dzega gyanana ni mayi waye, u thavela Egipito. Indra khala iyoyo kala nyi gu tivise, kholu Herodhi a ngu vbweta gyanana, gasi gu gi songa.”

Matewu 2:13 Iomraidhean Croise

1 Dzipfhumu 11:17

Aholu Hadhadhi ni vambe vama va Edhomi, gumogo ni sithumi sa babe waye, va dzi kodzide gututuma va thavela tigoni ga Egipito; aholu Hadhadhi a di ngari gyanana.

1 Dzipfhumu 3:5

Nari Gibheyoni, Pfhumu Nungungulu a di dzi wonegisa ga Solomoni, khu ndroroni ni wutshigu; Nungungulu a mu embela, khuye: “Lomba igyo u gi vbwetago gasi nyi gu ninga.”

Joba 33:15

A ngu ganela vbawutshigutunu, khu dzindroro ni siwoniso, na va lade ligovbe nya tshimatshima; vathu va ngari vbamalawutunu gwawe,

Joba 33:17

gasi vathu va duge mithumoni gwawe nya guvivbe, ni gu va dusa matshandzani gwawe.

Ekisodha 1:22

Khavbo avbo, Faro a di vega nayo yoyu ga vathu vaye vatshavbo, khuye: “Dzamisani tsongoni wa Nilo sanana satshavbo nya sikhwathana si velegwago khu Vahebheru. Aholu esi nya sagadzyana si digeni satshavbo si vbanya.”

Matewu 1:20

Na nga gu vinga mano yakone, a di tumbulugedwa khu ngilozi ya Pfhumu khu ndroroni, yita, khiyo: “Josefe, mwamana wa Dhavhidhe, u nga kanakani gu hakha Mariya, mwangadzi wago, kholu mimba a gu nayo khya Liphuvbo nya Guage.

Matewu 10:23

Mwa gu tutumiswa dhoropani momo nya gukari, thavelani ga limbe. Kholu khu lisine nyi ngu mi embelani, kheni: Kha mu na vbedza gu dzuwulugela madhoropa ya Israyeli na si gu vbohi Mwamana wa Muthu.

Matewu 2:12

Na va layidwe khu ndroro gupwa va nga bweleli ga Herodhi, va di bwelela tigoni gwawe khu yimbe ndzila.

Matewu 2:14

Josefe a di wuga, ni wutshigu wowo, a dzega gyanana ni mayi waye a hongola Egipito,

Matewu 2:16

Khavbo avbo, Herodhi, na wonide khuye pembidwe khu vagengeli vale, a di goroga ngudzu, a ruma gusongetedwa sanana satshavbo nya sikhwathana sa Bhetlehema ni mayigwana yaye yatshavbo, iso si nga bani si si gu vbindrisi myaga mivili, gu landrisa matshigu a nga embedwago khu vagengeli, gikhati a nga va wudzisago.

Matewu 2:22

Aholu, na pwide nya gupwani khu Arkelawo a nga tshikedzago wulanga wa babe waye kha nga mufumeli wa Judheya, a di khala hwanga gu hongola Judheya. Na layidwe khu Nungungulu khu ndroro, a di hongola tigoni ga Galileya.

Mithumo 10:22

Avo va di hakha, khavo: “Hi di rumwa khu Korineliyo, muthangeli nya gikwata nya lizana masotshwa, muthu nya ndruda ni githawo ga Nungungulu, uye a zundzwago khu litigo latshavbo nya Vajudha. A di embedwa khu ngilozi ya Nungungulu gu gu ranisa u hongola ndrangani gwaye, gasi uye aya yingisa magana yago.”

Mithumo 10:7

Ngilozi ya Nungungulu, na yi vbedzide gu ganela esi, yi di mwalalega. Khavbo avbo, Korineliyo a di rana sithumi saye sivili ni musotshwa moyo nya githawo ni Nungungulu, a gu avo a nga bani a gu va tumba.

Mithumo 12:11

Pedro na wuyiside mapimo yaye, a di khuye: “Olu nyi ngu khodwa kheni khu lisine, Nungungulu rumede ngilozi yaye guta nyi vbulugisa mandzani ga Herodhi ni satshavbo sile si nga bani si gu liredwa khu Vajudha.”

Mithumo 12:7

Khavbo avbo, yi di tumbuluga ngilozi ya Pfhumu, lipaso li di wenengedzwa khu safa; ngilozi ya Nungungulu yi di kuha limbambo la Pedro, yi mu wusa yi mu embela, khiyo: “Khuga u eme khu guvbiredza.” Khavbo avbo, dzitshinga dzi di thega khu mawogoni gwaye.

Mithumo 16:36

Khavbo avbo, ghadhi yi di embela Pawulo, khiyo: “Vafumeli va gu ruma gu mi tshula, dugani mu hongole khu gurula.”

Mithumo 5:19

Aholu ngilozi ya Nungungulu yi dita ni wutshigu yita tula malimba nya lipaso, yi gu duga navo vbavbandze, yi va embela, khiyo:

Mithumo 7:19

Mufumeli yoyu a di pfhadza vababe vathu khu mano, a va wugela, a va sanisa ngudzu; a di ruma gu dzudzuga sanana sawe gasi sifa.

Josuwa 3:13

Avbo vaphasi nya mhamba va na rwalago Ngasa nya Gidzumeledzwano gya Pfhumu Nungungulu, Pfhumu ya mafuni gwatshavbo, avbo va na kuhago khu migondro yawe mati nya tsongo wa Joridhani, ayo ma na tulega ma kabanega khu vbakari. Ni ayo matago khu vbatshani ma na ema ma wungedzelana.”

Josuwa 3:17

Aholu, vaphasi nya mhamba va nga bani va rwade Ngasa nya Gidzumeledzwano gya Pfhumu Nungungulu, va di ema havo hwe vbakari nya tsongo wa Joridhani, va na Israyeli vatshavbo va di vbindra khu mawundru nyamba na gana migondro, va tshatuga tsongo wa Joridhani.

Josuwa 4:10

Vaphasi nya mhamba va nga rwalago Ngasa nya Gidzumeledzwano va di simama va ema vbakari nya tsongo wa Joridhani kala gutadzisega esi Pfhumu Nungungulu a nga bani a rumide Josuwa gu embela vathu, mayelano khu sileletelo a nga ningago Mosi. Vathu va di tshatuga tsongo wa Joridhani khu guvbiredza.

Josuwa 4:18

Avbo vaphasi nya mhamba va nga bani va rwade Ngasa nya Gidzumeledzwano gya Pfhumu Nungungulu va nga dugago khu tsongoni wa Joridhani, avbo migondro yawe yi nga gandrago mafuni nya gubange, mati nya tsongo wa Joridhani ma di bwelela ma khulunga gambe wulangani gwaye kha nga gale.

Gutuledwa 12:14

Aholu, nyamayi a di ningwa mambapi mavili nya lighama nya likhongolo, gasi a kodze gu vbuvba a thavela giwulani avbo a nga bani a dongisedwe gu ya sayiswa avbo gipimo nya myaga miraru ni gipandre nari hwindzo ni hwindzo ni mamba.

Gutuledwa 12:4

Ngila waye wu di vbiyela gipandre nya wuraru nya dzinyeledzi dza ndzadzini, wu gu dzi rinya mafuni. Mwamilambo a dita ema mbeli ga nyamayi a nga bani a gu saniseka khu gulumwa, gasi gu mu hodzela gyanana, avbo a hefemulago.

Gutuledwa 12:6

Nyamayi a di thavela giwulani, avba Nungungulu a nga bani a mu vegisede wulanga nya gusihalege, gasi a mane gu sayiswa ni gu hodziswa gipimo nya likhumi na mavili mazana ni livbandre na limwedo magumi (1.260) matshigu.