Matewu 2:12 - Bhibhiliya Nya Guage

¹² Na va layidwe khu ndroro gupwa va nga bweleli ga Herodhi, va di bwelela tigoni gwawe khu yimbe ndzila.

Matewu 2:12 Iomraidhean Croise

Genesi 31:24

Aholu ni wutshigu Nungungulu a di endrela Laboni khu ndroroni a mu embela, khuye: “Dzi wonele, u nga wudzisi gilo Jakobe, ne khu gwadi ne khu guvivba.”

Ekisodha 1:17

Aholu vasingalagadzi va di gu thava Nungungulu, kha va nga gira esi va nga rumwago khu mufumeli wa Egipito, va di diga sanana nya sikhwathana si vbanya.

Dhaniyeli 2:19

Khavbo avbo, Dhaniyeli a di tugudziswa sihalo nya ndroro khu gu loriswa ni wutshigu. Dhaniyeli a di rungudza Nungungulu wa ndzadzini.

Matewu 1:20

Na nga gu vinga mano yakone, a di tumbulugedwa khu ngilozi ya Pfhumu khu ndroroni, yita, khiyo: “Josefe, mwamana wa Dhavhidhe, u nga kanakani gu hakha Mariya, mwangadzi wago, kholu mimba a gu nayo khya Liphuvbo nya Guage.

Matewu 2:13

Na va hongode, ngilozi ya Pfhumu yi di tumbulugela Josefe khu ndroroni, yi mu embela, khiyo: “Khuga u dzega gyanana ni mayi waye, u thavela Egipito. Indra khala iyoyo kala nyi gu tivise, kholu Herodhi a ngu vbweta gyanana, gasi gu gi songa.”

Matewu 2:19

Khavbo avbo, na fude Herodhi, ngilozi ya Pfhumu yi di tumbulugela Josefe khu ndroroni, tigoni ga Egipito, khiyo:

Matewu 2:22

Aholu, na pwide nya gupwani khu Arkelawo a nga tshikedzago wulanga wa babe waye kha nga mufumeli wa Judheya, a di khala hwanga gu hongola Judheya. Na layidwe khu Nungungulu khu ndroro, a di hongola tigoni ga Galileya.

Matewu 27:19

Na khade phathani, a lamula, pfhumugadzi yaye yi di mu rumela lito, khiyo: “U nga dzi bedzi mahunguni ya muthu yoyo a lulamidego, kholu vbasilambo nyi sanisekide ngudzu khu dzindroro; khu kotani gwaye.”

Luka 2:26

A di wonisidwe khu Liphuvbo nya Guage pwani kha nafa nyamba wona Kristo wa Pfhumu.

Mithumo 10:22

Avo va di hakha, khavo: “Hi di rumwa khu Korineliyo, muthangeli nya gikwata nya lizana masotshwa, muthu nya ndruda ni githawo ga Nungungulu, uye a zundzwago khu litigo latshavbo nya Vajudha. A di embedwa khu ngilozi ya Nungungulu gu gu ranisa u hongola ndrangani gwaye, gasi uye aya yingisa magana yago.”

Mithumo 4:19

Pedro ni Johane va di va hakha, khavo: “Lamulani enu vamune, mwendro gululamile mahoni ga Nungungulu gu ethu hi yingisa enu vathu guvbindra Nungungulu.

Mithumo 5:29

Aholu, Pedro ni vapostoli va di hakha, khavo: “Hi fanede gu yingela Nungungulu guvbindra gu yingela vathu.

1 Vakorinto 3:19

Kholu guti nya vathu va mafuni gu wonega nari wupumbu mahoni ga Nungungulu. Milowo nya Guage yari, khiyo: “Nungungulu a gu kona va nya guti, khu mano yawe.”

Vahebheru 11:7

Khu gukhodwa, Nowa pwide sitiviso sa Nungungulu nya esi si nga hadza gu dugelela, a nga bani a si kodzi gu si wona. Nowa a di yingela Nungungulu a gu gira ngalava, a bela umo uye ni ngamo yaye, a gu vbanyiswa. Khu guralo, a di kona litigo, a gu hakha ga Nungungulu wuzundzo nya gukhodwe.

Vahebheru 8:5

Thumo wu girwago khu vaphasi vovo, wa gu pimedzela nga mwedzi nya thumo wa Ndzadzini. Khidzo Nungungulu a nga embelago Mosi gikhati a nga vbweta guvbaha Nyumba ya Nungungulu, khuye: “Wona gwadi, u gira satshavbo nga giwonelo nyi gu yeyedzidego gigomoni.”