Matewu 2:1 - Bhibhiliya Nya Guage

¹ Na velegidwe Jesu tigoni ga Bhetlehema ga Judheya matshiguni ya mufumeli Herodhi, va di vboha Jerusalema vagengeli va nga bani va guta khu Khugadambo.

Matewu 2:1 Iomraidhean Croise

Genesi 10:30

Va di gu vbanya mayigoni ma ladzidego gukhugela Mesa kala Sefari, sigomoni khu phuvbo ga Khugadambo.

Genesi 25:6

Aholu sanana sa vanyamayi nya vadugwane, a di si kavedzela basi siningwa, a si rumela na nga gu vbanya guya khala hwindzo ga Isaki, gyanana gyaye, mayigoni ya Khugadambo.

Genesi 41:8

Ni dzimindru, na gu garadzega hefemuloni gwaye, Faro a di ruma gu ranisa dzinyanga dzatshavbo, ni vanyaguti vatshavbo va Egipito a ta va embeledzela dzindroro. Aholu mwalo a nga dzi kodzago gu mu ninga tshamuselo.

Genesi 49:10

Ndronga nya wufumu kha ya na duga ga Judha, guruma kha gu na duga ga situgulwana saye, kala a gu vboha uye a fanelago gu ruma; oyu mayigo yatshavbo ma na mu yingelago.

1 Dzipfhumu 4:30

Guti gwa Solomoni gu diri gukhongolo guvbindra mafumbo yatshavbo ya Khugadambo, ni guti gwatshavbo gwa Egipito.

1 Dzikoronika 2:51

Salima babe wa Bhetlehema, ni Harefi, babe wa Bheti-Gadheri.

Joba 1:3

A diri ni livbandre na mavili magumi mazana (7.000) nya dzinvuta, magumararu mazana (3.000) dzingameriya, livbandre mazana (500) mipatwa nya dzimombe, livbandre mazana (500) nya dziburu nya migadzi ni tengo nya wungi nya dzikhumbi. A diri muthu nya gufume ngudzu tigoni ga Khugadambo.

Isaya 11:10

Ga litshigu lolo, va nya mayigo va na tutumela ga khamba wa Jese wu vegidwego kha nga ngavbya nya mayigo yatshavbo; ni wulanga a khalago avbo wu na zundzega.

Mikeya 5:2

Ni uwe Bhetlehema wa Efrata, ambari u gu dugwana vbakari nya mazanazana ya Judha, khavbo gwago gu na duga uye a na khalago mufumeli wa Israyeli, uye a nga bani ari gitugulwana gukhugela gikhatini gya gale, gukhugela matshiguni ma si vbeligo.

Matewu 1:25

Nasi gu hengeli naye lidawu, a di velega gyanana gyaye nya gikhwathana, igyo a nga gi thangisago lina la Jesu.

Matewu 2:16

Khavbo avbo, Herodhi, na wonide khuye pembidwe khu vagengeli vale, a di goroga ngudzu, a ruma gusongetedwa sanana satshavbo nya sikhwathana sa Bhetlehema ni mayigwana yaye yatshavbo, iso si nga bani si si gu vbindrisi myaga mivili, gu landrisa matshigu a nga embedwago khu vagengeli, gikhati a nga va wudzisago.

Matewu 2:19

Khavbo avbo, na fude Herodhi, ngilozi ya Pfhumu yi di tumbulugela Josefe khu ndroroni, tigoni ga Egipito, khiyo:

Matewu 2:3

Mufumeli Herodhi, na pwide mahungu yaya, a di thuruga, gumogo ni vathu va Jerusalema gwatshavbo.

Matewu 2:5

Va di khavo: “Khu Bhetlehema ga Judheya, kholu khidzo gu nga lowago khidzo khu muprofeti, a nga khuye:

Matewu 2:7

Khavbo avbo, Herodhi a di ranisa khu gisihaledza vathu vale va nya gugengela, a va wudzisela gwadi gikhati muni gi vbindridego hwane nya gu na va tumbulugedwe khu nyeledzi yile.

Luka 1:5

Gikhatini gya Herodhi a nga bani ari mufumeli wa Judheya, a di romo muphasi moyo nya mhamba nya gupwani khu Zakariya, a nga bani a gu lumba gikwata gya Abhiya. Mwangadzi waye a diri Elizabheta. Uye nuye a di gu dugela nyumbani ga Aroni.

Luka 2:11

Muhuno olu, Dhoropani ga Dhavhidhe mu velegedwe Muvbanyisi wanu, a gu Kristo, Pfhumu.

Luka 2:15

Hwane nya gu dzingilozi na dzi bwelede Ndzadzini, vahavisi va di embeledzelana, khavo: “Hongoleni Bhetlehema hiya wona iso si dugeledego, esi hi tivisidwego khu Pfhumu.”

Johane 7:42

Ina kha yi ganeli Milowo khiyo Kristo a na dugela nyumbani ya Dhavhidhe, tigoni ga Bhetlehema, a gu umo a nga velegedwa umo Dhavhidhe, gani?”

Valamuli 17:7

Gu diromo lidzaha limwedo nya Mulevhi nya gudugele Bhetlehema ga Judha, nya lihundzu la Judha, uye a di luvede mule.