Matewu 19:7 - Bhibhiliya Nya Guage

⁷ Va di wudzisa, khavo: “Khu ginani Mosi a nga rumago gukhuye nyamayi a ningwe lidangalila nya musi gasi gu mu hula?”

Matewu 19:7 Iomraidhean Croise

Isaya 50:1

Pfhumu Nungungulu a ngu ganela kharati, khuye: “Lomo hayi lidangalila nya musi li fakazago gukhilo nyi hude mayi wanu? Mwendro khu mani nyi gu na ni mangava naye, nyi mu rengisidego gwanu? Wonani gukhenu khu kotani nya sighoho sanu, khiso si mi rengisidego, gambe mayi wanu hudwe khu kotani nya sighoho sanu.

Jeremiya 3:8

U mu wone Israyeli idzo nyi nga mu tutumisa khidzo khu kotani nya wuphuphulu a wu giridego, nyi mu ningide Mosi, khu kotani nya sighoho saye, nyi wonide gukheni ndriyaye Judha nyamba tumbega, a di gira nuye wuphuphulu nyamba thava gilo.

Malakiya 2:16

Kholu Pfhumu Nungungulu wa Israyeli, a ngu ganela khuye a ngu venga hulano, ni wule a sihago manyala khu dzingandzu dzaye, a ngu ganela Pfhumu Nungungulu nya Tshivba Yatshavbo. Khu guralo, dzi woneleni guvbanyani gwanu, gasi mu si huli vagadzi vanu.

Matewu 1:19

Khavbo avbo, Josefe mwama waye, a nga bani ari muthu nya ndruda, kha nga vbweta gu mu thela dzitshoni; a di vbweta gu mu hula khu gisihaledza.

Matewu 19:6

Khu kharato, khandri vavili gambe, aholu nyama mweyo basi. Nari kharato, muthu kha dzi kodzi gu tshula egi gi hungidwego khu Nungungulu.”

Matewu 19:8

Jesu a di phindrula, khuye: “Mosi, a di mi dzumedzisani gu hula vagadzi vanu, khu kotani nya guvivbe nya myonyo yanu; aholu guhegulani khandri kharato.

Matewu 5:31

“Gu ganedwe gambe gupwani: ‘Uye a hulago mwangadzi waye, a na mu ninge lidangalila nya musi nya guhulane.’

Marko 10:4

Va di mu hakha, khavo: “A di dzumedzisa gu lova lidangalila nya musi a mu hula.”