Matewu 19:16 - Bhibhiliya Nya Guage

¹⁶ A di yedwa khu lidzaha limwedo li nga ya mu wudzisa, khilo: “Muhevbudzi nya wadi, ginani nya gyadi nyi fanedego gu gira gasi gu mana guvbanya nya gupindruge?”

Matewu 19:16 Iomraidhean Croise

Dhaniyeli 12:2

Vatshavbo va ladego umo nya kudzudzwane nya mafu va na wuga, vambe va na wugela guvbanyani nya gupindruge, vambe va wugela guya dzitshonini, gusanisekani nyamba vbela.

Matewu 19:15

Na si handzegide mandza, a di phara ndzila yaye a gu hongola.

Matewu 19:26

Jesu a di khedzisa gwadi vatshavbo, a va embela, khuye: “Ga vathu kha si kodzegi, aholu ga Nungungulu satshavbo si ngu kodzega.”

Matewu 19:29

Gasi watshavbo wule a nga digago ndranga, vandruye, nya vama ni vanyamayi, babe, mayi, mwangadzi, sanana ni sipeto khu kotani nya lina langu, a na si mana na si engedzedwe lizana dzinyondro, bwelo khavbo a mana guvbanya nya gupindruge.

Matewu 25:46

Ava vana hongola gusanisekani nya gupindruge; gasi va nya ndruda vana hongola guvbanyani nya gupindruge.”

Johane 10:28

Nyi ngu dzi ninga guvbanya nya gupindruge, gima kha dzi na mbemba; mwalo a na gu nyi wandrelago.

Johane 12:25

Uye a dzi garadzago ngudzu khu gu sayisa womi waye, a na dzimeledwa khuwo; aholu, uye a nyenyago womi waye a ngu wu vegedza, gasi guya wu mana guvbanyani nya gupindruge.

Johane 3:15

gasi muthu watshavbo a khodwago gwaye a si mbembi, aholu a mane guvbanya nya gupindruge.

Johane 4:14

gasi oyu a selago mati nyi na mu ningago gima kha napwa gambe lidora, ma na mu gira gifefe nya mati nya guvbanye nya gupindruge.”

Johane 5:39

Enu mwa gu fulugutela Milowo na mu gu alakanya gu mana guvbanya nya gupindruge; khiyo kamwe Milowo yi fakazago khu eni.

Johane 6:47

Khu lisine, nyi ngu mi embelani: Uye a khodwago a na ni guvbanya nya gupindruge.

Johane 6:68

Simoni Pedro a di phindrula, khuye: “Hi naya ga mani, Pfhumu? Olu a gu uwe u gu ni magana nya guvbanye nya gupindruge!

Mithumo 16:30

Na yi dugide navo vbavbandze yi di va wudzisa, khiyo: “Madhota, ina ginani nyi yelago gu gira gasi nyi mane guvbanyiswa.”

Varoma 2:7

A na ninga guvbanya nya gupindruge vale va dzi garadzago khu guthuma mithumo nya gululame, vale va mu dhumisago ni gu mu rungudza na va gu dwanela gu mana womi nyamba vbela.

Varoma 5:21

Kha nga olu gighoho gi yeyedzidego tshivba yaye khu gu resa gufa, kharati nuwo wuhigo wa Nungungulu wu ngu yeyedza tshivba yaye khu gu hi ninga gululama gu hi yisago guvbanyani nya gupindruge, khu Pfhumu yathu Jesu Kristo.

1 Thimoti 1:16

Khu guralo, nyi manide wuhindzi, gasi khavbo gwangu, Jesu Kristo a phela gu yeyedza gutimisela gwaye gwatshavbo, gasi eni nyi khale giyeyedzo ga vale va nga vbweta guta khodwa gwaye, va fela gu mana guvbanya nya gupindruge.

1 Thimoti 6:12

Dwana litunga nya ladi nya gukhodwe, gasi u mane guvbanya nyamba vbela, ugo u nga ranedwa ugo. Khugo u nga ninga wufakazi vbakari nya vathu nya vangi.

1 Thimoti 6:19

Khavbo va na manago thomba nya yingi yi na gu va thumelago, khu gikhati gi na gutago, gasi va mane guvbanya nya lisine.

Tito 1:2

li gu seketedwa khu gutumba nya guvbanye nya gupindruge. Nungungulu a si liphigo, a hi tiviside ogu guvbanya khu gale ni gale.

Tito 3:7

Giride kharato, gasi khu wuhigo waye hi fela gu hakhwa khu Nungungulu, hi mane guvbanya nya gupindruge hi gu lindredego.

1 Johane 1:2

(Kholu guvbanya gogu gu dzi wonegisidego, ethu hi gu wone. Khu guralo, ethu hi ngu ganela khugo, hi mi tivisani guvbanya nya gupindruge gu nga bani guri ni Babe, hi tuledwego gu guti).

1 Johane 2:25

Egi khu gitumbiso a nga hi tumbisago nya gukhuye a na hi ninga guvbanya nya gupindruge.

1 Johane 5:20

Hi ngu dziti gambe gukhethu Mwamana wa Nungungulu vbohide, a ngu hi ninga mapimo nya guti Nungungulu nya lisine. Ethu hi ngu hengela guvbanya ni Nungungulu nya lisine, ethu hi guromo ga Mwamana waye Jesu Kristo. Oyu khuye Nungungulu nya lisine, khugo guvbanya nya gupindruge.

Judha 1:21

Dzi vegeni lihaladzoni la Nungungulu, na mu gu lirela gukhenu, Pfhumu yathu Jesu Kristo, khu wuhindzi waye a mi ninge guvbanya nya gupindruge.