Matewu 18:9 - Bhibhiliya Nya Guage

⁹ Wa gu wona gukhuwe liso lago li ngu gu tshunganisa, li duse u dzudzuga, kholu i tshukwana gu bela guvbanyani nya gupindruge nuri ni gidzogo, guvbindra gu rinywa niloni wa Ghehena nuri ni maho yago ya mavili.

Matewu 18:9 Iomraidhean Croise

Matewu 16:26

Giphaso muni a gi manago muthu a fumelago litigo rumba, a guhegisa khu gu dzimeledwa khu hefemulo waye? Mwendro saye, ginani muthu a dzi kodzago gu ningela gasi gu dzegisa khigyo hefemulo waye?

Matewu 18:8

Khu guralo, wa gu wona nya gukhuwe mandza yago mwendro ngondro wago si ngu gu tshunganisa, si pile u dzudzuga, kholu i tshukwana gu bela guvbanyani nya gupindruge nuri ni gimbobo mwendro na wu ndzodola, guvbindra gu rinywa niloni nya gupindruge nuri ni mandza ni migondro yago ya mivili.

Matewu 19:17

Jesu a di mu hakha, khuye: “Khu ginani u nyi ranago gukhuwe nyi wadi? Moyo basi a gu wadi khu Nungungulu. Aholu wa guvbweta gu mana guvbanya nya gupindruge, landrisa milayo.”

Matewu 5:22

Gasi eni nyi ngu mi embelani, kheni: Uye a zangarelago ndriyaye a na thethiswa; uye a ranago muthu kwawe khuye mbeveve fanede gu lamudwa khu madhota. Uye a ranago muthu kwawe khuye gipumbu a na rinywa phalani nya nilo.

Matewu 5:29

Khu kharato, wa gu wona nya gukhuwe liso lago la nyamudye li ngu gu tshunganisa, li duse u dzudzuga, kholu i tshukwana gu luza givbango gimwegyo, guvbindra gu dzega givili gyago gyatshavbo gi rinywa phalani nya nilo.

Marko 9:47

Ni liso lago la gu khala gikhunguvanyiso gwago li duse vbavbandze, i tshukwana gubela Mufumoni wa Ndzadzini uri ni liso limwedo guvbindra gu rinywa ni maho ya mavili phalani nya nilo

Mithumo 14:22

Va di tiyisela myonyo nya vapizane, va gu va khongotela gu tiya gukhodwani gwawe, kholu, va di gu ganela, khavo: “Gu vbwetega guvbindra khu sigaradzoni nya singi gasi gu bela Mufumoni wa Nungungulu.”

Vahebheru 4:11

Khavbo avbo, hongoleni hi dzi garadze khu gu bela guhefemulani momu, gasi hi si landri giwonelo gya avo va ngamba yingela giwulani, va tandrega gu gu bela.

Gutuledwa 21:27

Dhoropani gakone gima kha gu na bela gilo nya gunyenyeze, ni vathu va girago guvivba ni malipha; aholu va na bela basi vale va lovidwego libhukuni nya womi la Nvutana.