Matewu 18:5 - Bhibhiliya Nya Guage

⁵ Uye a hakhago gyanana nya nga egi, khu lina langu, kheni a nyi hakhago.

Matewu 18:5 Iomraidhean Croise

Matewu 18:4

Khu kharato, uye a dzi sodzisago kha nga gyanana gegi a na bani ari khongolo Mufumoni wa Ndzadzini.

Matewu 18:6

“Gasi uye a khunguvanyisago gimwegyo nya sanana sesi si khodwago gwangu, a diri tshukwana gu a hungwe thamoni giwindri nya gikhongolo nya gitshindro, a rinywa nondrwani nya yiphwa.

Matewu 25:40

Mufumeli a na va hakha, khuye: ‘Khu lisine nyi ngu mi embelani, kheni: Dzinyondro dzatshavbo mu nga bani mu gira kharato ga moyo nya vandriyangu nya gusolege, kheni mu nga bani mu nyi girela.’

Matewu 25:45

A na va hakha, khuye: ‘Khu lisine, nyi ngu mi embelani gukheni: Dzinyondro dzatshavbo mu nga bani mu si giri isoso ga moyo nya vandriyangu nya gusolege, kheni mu nga bani mu si nyi theli kota.’

Matewu 7:8

Kholu muthu watshavbo a lombago, a ngu ningwa; uye a vbwetago a ngu si mana, ni uye a khokhothago, a ngu tuledwa.

Marko 9:37

“Oyu a hakhago gyanana nya nga egi khu lina langu, kheni a nyi hakhago. Aholu, oyu a nyi hakhago, kha hakhi eni basi, a gu hakha ni wule a nga nyi rumelago.”

Marko 9:41

Khu lisine nyi ngu mi embela gukheni oyu a na mi ningago gani khokho nya mati, khu lina langu kholu mu gu vapizane va Kristo, gima kha na nga hamuga tshatshazelo waye.

Luka 9:48

“Muthu watshavbo a na hakhago gyanana nya nga egi khu lina langu, kheni a nyi hakhago. Gasi uye a nyi hakhago, a gu hakha wule a nga nyi rumelago. Kholu wule a dzi sodzisago ngudzu vbakari gwanu, uyoyo khuye a gu khongolo.”

Johane 13:20

Khu lisine, nyi ngu mi embelani, kheni: Oyu a hakhago wule nyi na mu rumelago, kheni a nyi hakhago; uye a nyi hakhago, a ngu hakha wule a nyi rumedego.”

Vagalatiya 4:14

Nyi diri gilemedzo nya gikhongolo gwanu khu kotani nya madwali yangu. Ambari ulo enu gima kha mwa nyi kanyisa mwendro gu nyi nyenya. Aholu mu di nyi hakha kha nga ngilozi ya Nungungulu, ni gukhwatshi khu Jesu Kristo wurumba waye.