Matewu 18:25 - Bhibhiliya Nya Guage

²⁵ Kha nga ulo a nga bani ari mwalo dzitsapawu nya gulivbe khidzo, pfhumu yile yi di ruma khiyo a rengiswe uye ni mwangadzi waye, ni sanana, ni thomba yaye yatshavbo, gasi gu mana iso nya gulivbe khiso mangava.

Matewu 18:25 Iomraidhean Croise

2 Dzipfhumu 4:1

Nyamayi moyo, wa vbakari ga vagadzi va vapizane va vaprofeti, a di lila ga Elizewu a mu embela, khuye: “Githumi gyago, mwama wangu, fude; uwe u ngu dziti gwadi gukhuwe githumi gyago gi di gu thava Pfhumu Nungungulu, olu vbohide uye a nga bani nari ni mangava naye guta dzega sanana sangu sa sivili gasi guya si gira dzikhumbi.”

Nehemiya 5:5

Gasi khu kharato, ethu ni vandriyathu hi nyama mweyo, ni sanana sathu, si ngu fanana ni sanana sawe; aholu hi ngu gurumedzega gu dzega madzaha yathu ni dzimbiri dzathu dziya khala dzikhumbi, ni olu vambe vanyamahegyane vathu vomo wugumbini. Gimwalo hi yelago gu gi kodza gu gira kholu, marembwe yathu nya sivbila naya nya vhinya kha ma nga gu hi lumba gambe, momo mandzani nya vambe vathu.

Nehemiya 5:8

Nyi va embela, kheni: “Ethu hi tshudziside khu tshivba yathu yatshavbo vandriyathu nya Vajudha va nga bani va rengisidwe ga va nya mayigo; gasi enu mu ngu rengisa vandriyanu gasi va rengwe khethu, gani?”

Ekisodha 21:2

Wa gu renga khumbi nya Muhebheru, yi na gu thumela livbandre na moyo myaga, aholu khu mwaga nya livbandre na wuvili, yi na tshulega basi nyamba livba gilo.

Ekisodha 22:3

Aholu ya gu songwa na gugide, novba waye wu fanede gu livbwa. Mbafa yi fanede gu livba; ya gu hamuga nya gulivbe khigyo, yi na rengiswe, gasi gu livba wuvafa waye.

Isaya 50:1

Pfhumu Nungungulu a ngu ganela kharati, khuye: “Lomo hayi lidangalila nya musi li fakazago gukhilo nyi hude mayi wanu? Mwendro khu mani nyi gu na ni mangava naye, nyi mu rengisidego gwanu? Wonani gukhenu khu kotani nya sighoho sanu, khiso si mi rengisidego, gambe mayi wanu hudwe khu kotani nya sighoho sanu.

Levhi 25:39

Ndriyago u vbanyago naye a gu khala gisiwana, a gu dzi rengisa gwago, u nga mu thumisi kha nga khumbi;

Matewu 18:24

Githumi a nga phelago khigyo gi diri ni mangava nya likhumi magumi mazana dzitaleta (10.000).

Luka 7:42

Kha nga ulo va nga bani vari mwalo dzitsapawu nya gulivbe khidzo, a di va tsetselela va vavili. Khu wevbini nya ava va vavili a nga mu golago ngudzu?”