Matewu 18:24 - Bhibhiliya Nya Guage

²⁴ Githumi a nga phelago khigyo gi diri ni mangava nya likhumi magumi mazana dzitaleta (10.000).

Matewu 18:24 Iomraidhean Croise

Genesi 44:10

Muthangeli a di ganela, khuye: “Khidzo, lisine, u ganede gwadi: Oyu a na manwago ni gikombe khuye a na khalago khumbi yangu, enu mwatshavbo mu na tshulegani.”

1 Dzikoronika 29:7

Va di ningela gasi gu gira thumo nya guvbahe Nyumba ya Nungungulu; livbandre magumi mazana (5.000) dzitaleta nya ndralama, likhumi magumi mazana (10.000) sombo nya ndralama, likhumi magumi mazana (10.000) dzitaleta nya parata, likhumi na livbandre na mararu magumi mazana (18.000) dzitaleta nya sugu ni lizana magumi mazana (100.000) dzitaleta nya dzisimbi.

Ezira 9:6

Nyi ganela, kheni: “Nungungulu wangu! Nyi womo gugaradzegani ni mudzitshonini, nya gu khusa khovbe yangu nyi khedza uwe, Nungungulu wangu! Kholu sighoho sathu si dandride guvbindra pimo vbatshani nya mihungo yathu, ni milandru yathu yi litide kala ndzadzini.

Dzindzimo 38:4

Kholu mithumo yangu nya guvivbe yi tade, yi langaladza hungo wangu; yi ngu nyi gikha kha nga rwalo nya gulemele.

Dzindzimo 40:12

Nyi randredwe khu dzimhango nyambana tengo; mithumo yangu nya guvivbe yi nyi gamide nyamba kodza ni gu hapfhula nyi wona, yingi ngudzu guvbindra ndzudzu wa hungoni gwangu, nya gu dzipwa na nyi vbede tshivba.

Matewu 18:23

Khu kharato, Mufumo wa Ndzadzini wu ngu fananiswa ni mufumeli moyo a nga vbweta guti magimbidziselo nya thumo ga sithumi saye.

Matewu 18:25

Kha nga ulo a nga bani ari mwalo dzitsapawu nya gulivbe khidzo, pfhumu yile yi di ruma khiyo a rengiswe uye ni mwangadzi waye, ni sanana, ni thomba yaye yatshavbo, gasi gu mana iso nya gulivbe khiso mangava.

Matewu 25:15

Gimbe a di gi ninga livbandre dzitsapawu dzi ranwago taleta; gimbe, dzimbili; gimbe, mweyo basi; muthu ni muthu a di ningwa maningano ni tshivba yaye. Khavbo avbo, a di phara dzindzila a gu hongola.

Matewu 25:16

Wule a nga tshiyedzwago livbandre dzitaleta a di dzi bhindzulisa dzi velega dzimbe livbandre.

Matewu 25:20

Wule a nga bani a hakhide livbandre dzitaleta a di ya ningela dzimbe livbandre, khuye: ‘Pfhumu, u nyi ningide livbandre dzitaleta, khu dzi woni dzimbe livbandre nyi nga tshala nyi velegisa, edzi.’

Matewu 25:22

A di ya nuye wule a nga hakhago dzitaleta dzimbili aya, khuye: ‘Pfhumu, u nyi ningide dzitaleta dzimbili, khu dzi woni dzimbe dzimbili nyi nga tshala nyi velegisa, edzi.’

Matewu 25:24

Guhegisani, a di ya wule a nga ningwa taleta mweyo basi, aya, khuye: ‘Pfhumu, gale na nyi gu guti kha nga mwama nya wurena, u golago guvbwera umo u ngamba yala, ni gu wolela umo u ngamba anega.

Luka 13:4

Ina mwa gu hingigedza nya gukhenu vale nya likhumi na livbandre na vararu va nga thegedwago khu langwe ya Silowe, va gufa, khavo vakone va nga bani vari ni nandru guvbindra vathu vatshavbo va Jerusalema, gani?

Luka 16:5

A di rana va nya mangava khu moyo ni moyo. A ta wudzisa uye nya guphele, khuye: ‘Mangava muni u gu nawo ga pfhumu yangu?’

Luka 16:7

Khavbo avbo, a di wudzisa mumbe, khuye: ‘Ahati uwe, mangava muni u gu nawo?’ A di khuye: ‘Lizana dzindrengo nya mavbila.’ A di mu embela, khuye: ‘Dzega gibhukwana gyago u lova, khuwe livbandre na mararu magumi.’