Matewu 17:24 - Bhibhiliya Nya Guage

²⁴ Na va vbohide Kafarinawume, vakhuphisi va Nyumbani ga Nungungulu va di ya ga Pedro, vaya mu wudzisa, khavo: “Ina muhevbudzi wanu kha livbi khupho nya Nyumba ya Nungungulu, gani?”

Matewu 17:24 Iomraidhean Croise

Nehemiya 10:32

bwelo khavbo vathu vovo, va gu resa wugwewo mwendro ni levbini lifumbu nya silo nya guhodzwe khu litshigu nya Sabhadho guta rengisa, hi si va rengeli khu litshigu lolo, ambari khu limbe litshigu li agisedwego Pfhumu Nungungulu, gima kha hi na renga; ni gukhavo khu mwaga nya livbandre na mivili, malime yathu hi na ma hefemudza hi si ma limi, bwelo khavbo hi si henguli ni mevbini mangava.

Ekisodha 30:13

Muthu ni muthu a lovedwago a na ningela tengo nya guningane gipandre nya Sekeli ya nyumbani nya miphaso, yi gu na ni magumavili dzisekeli, dzi kaswago khu vbakari u gira ningelo ga Pfhumu Nungungulu.

Ekisodha 38:26

Muthu ni muthu a di dusa gipandre nya sekeli gukhedza khu pimo nya sekeli ya nyumbani nya guage. Vama vatshavbo va lovedwego gukhugela ava nya tanga nya magumavili myaga guya mbeli, va di livba idzosaye. Va tshanganisa livbandre na limwedo magumi ni magumararu na livbandre mazana ni livbandre magumi (603.550) vama.

Matewu 5:46

Kholu, mwa gu gola basi avo va mi golago, tshatshazelo muni mu na gu wu manago? Kha va ngu gira navo vakhuphisi, gani?

Marko 9:33

Na va vbohide dhoropani ga Kafarinawume, uye nari nyumbani a di wudzisa, khuye: “Ginani mu nga bani mu gu ganedzisana khigyo ndzilani?”