Matewu 17:17 - Bhibhiliya Nya Guage

¹⁷ Jesu a di khuye: “Mela nya vathu nyamba khodwa, mu si gitigo nigyo mu girago! Nyi na khala nanu kala lini? Nyi na mi timiselani kala lini? Mu reseni eno gwangu.”

Matewu 17:17 Iomraidhean Croise

Dzindzimo 95:10

Ndrani nya magumana myaga nyi di goroswa khu gitugulwana gegi, heni, kheni: “Ava vathu va vivbide myonyo, kha va landrisa ndzila yangu!”

Ekisodha 10:3

Khu kharati, Mosi ni Aroni va di ya ganela ni Faro, va mu embela, khavo: “Pfhumu Nungungulu wa Vahebheru, a ngu ganela kharati, khuye: “Kala lini na wu gu bomba gu dzi nogisa mbeli gwangu? Diga vathu vangu va hongola gasi va ya nyi thumela.

Ekisodha 16:28

Khu guralo, Pfhumu Nungungulu a di embela Mosi, khuye: “Mu na kala lini, enu na mu bomba gu landrisa sirumo ni milayo yangu?

Mavingu 1:22

“Enu sipumbu, kala lini na mu nga gu hamuga mano? Ni enu vatseketseli, kala lini na mu nga gu gola gutseketsela? Enu sipumbu, kala lini na mu gu bomba gu nyi yingisa?

Mavingu 6:9

Kala lini nu nga gu lade, ngara wewe? Gasi u na khendzuga lini khu ligovbeni?

Isaya 19:14

Pfhumu Nungungulu thede vbakari gwawe liphuvbo nya guvivbe; va dhedherekisa Egipito ga mithumo yaye yatshavbo kha nga muthu nya guleve a puluwundrago vbatshani nya magose yaye.

Jeremiya 4:14

Handza monyo wago uwe Jerusalema, diga gu gira guvivba, gasi u kodze gu mana guvbanya! Kala lini nu gu fundrela makungo nya guvivbe monyoni gwago?

Mitengo 14:11

Pfhumu Nungungulu a di embela Mosi, khuye: “Kala lini vathu na va gu nyi yeyisa? Kala lini na va bomba gu nyi tumba? Ambari na nyi giride sisamadziso nya singi vbakari gwawe?

Mitengo 14:27

“Kala lini na nyi gu timisela tshangano yoyu nya guvivbe na wu gu nyi wugela? Nyi pwide gungurangura ga va na Israyeli va nyi girelago litshigu ni litshigu.

Matewu 13:58

Kha dzi kodza gu gira vbale siliwugiso nya singi khu kotani nya gumba khodwa nya vathu vale.

Matewu 16:8

Aholu Jesu, a nga bani a wona mapimo yawe, a di va embela, khuye: “Vathu nya gukhodwe vbadugwana, khu ginani mu emago dzikhana khu gukhenu kha mwa dzega sibaba?

Matewu 17:16

Nyi di mu reside ga vapizane vago, aholu kha va dzi kodza gu mu hawulugisa.”

Matewu 17:18

Khavbo avbo, Jesu, a di kawuka liphuvbo nya guvivbe li gu duga ga gikhwathana; khavbo avbo, gukhugela gikhati gile gikhwathana gile gi di vbanyiswa guralo.

Matewu 6:30

Ambari nya gukhenu mwasi, nya gu muhuno womo thembweni, mindru wu rinywa niloni, wu ambagiswago kharati khu Nungungulu, ahati enu, vathu nya gukhodwe vbadugwana?

Matewu 8:26

Jesu a di va embela, khuye: “Mwa gu thava ginani, vathu nya gukhodwe vbadugwana?” Na khugide, a di kawuka phuvbo ni mavimbi. Khavbo avbo, gu di manega malenga nya makhongolo.

Marko 16:14

Khu guhegisa a di dzi wonegisa ga vale nya likhumi na moyo na va khade vbamezatunu va hodza. A di va kawuka khu gumba khodwa gwawe, ni olu va nga ganedza vale va nga mu wona na wugide.

Marko 9:19

Jesu a di khuye: “Vathu nyamba khodwa! Nyi na khala nanu kala lini? Nyi na mi timisela kala lini? Mu reseni eno.”

Luka 24:25

Khavbo avbo, Jesu a di va embela, khuye: “Mapeminu, nya mihungo nya gulemele, mu si vbiredzeligo gu khodwa khu satshavbo si nga ganedwago khu vaprofeti!

Luka 9:41

Jesu a di mu hakha, khuye: “Mela nya vathu nyamba khodwa, mu si gitigo nigyo mu girago! Nyi na khala nanu kala lini? Nyi na timisela mavbanyelo yanu kala lini?” Khavbo avbo, a di embela babe wule, khuye: “Mu rese eno.”

Johane 20:27

Khavbo avbo, a di embela Tomasi, khuye: “Hidzimisa avba nyala yago, wona mandza yangu; hidzimisa mandza yago, u vbedza limbamboni gwangu. U nga dzi giri muthu nyamba khodwa, aholu khodwa.”

Mithumo 13:18

Gipimo nya magumana myaga a di va sayisa khu lihaladzo mugiwulani.

Mithumo 2:40

Khu magana yaya ni mambe nya mangi, Pedro a di gu fakaza ni gu va tiyisa, khuye: “Dzi vbanyiseni ga melana yoyu nya guwegele.”

2 Vakorinto 11:1

Nya guvbweta mu timisela gambe vbadugwana, ambari nya gu ganela wupumbu nyi timiseleni!

Dhewuteronome 32:5

Si Mu ghohede, sanana Saye nya guwegele, khu guralo kha muri sanana saye, aholu mu gilo gyaye, nya gunyenyeze; gitugulwana nya guwegele ni malipha.