Matewu 16:24 - Bhibhiliya Nya Guage

²⁴ Jesu a di embela vapizane vaye, khuye: “Uye a vbwetago gu nyi landrela, a na dzi nyenye wurumba waye, a vbagare gihambano gyaye a nyi landrela.

Matewu 16:24 Iomraidhean Croise

Matewu 10:38

Uye a si rwaligo gihambano gyaye a nyi landra, kha nyi faneli.

Matewu 27:32

Avbo va nga bani va duga, va di tshangana ni mwama moyo wa Sirene, nya gupwani khu Simoni. Va di mu gurumedza gu rwala gihambano gya Jesu.

Marko 10:21

Jesu, na mu khedzide, a di tsakiswa khuye a gu mu embela, khuye: “U nga gu keneledwa khu gimwegyo basi. Indra u ya rengisa satshavbo u gu naso, u ninga sisiwana, gasi u mane thomba ya Ndzadzini. Hwane nya iso delu uta nyi landrela.”

Marko 15:21

Ndzilani va di tshangana ni mwama moyo nya gupwani khu Simoni wa Sirene, babe wa Alexandre ni Rufu, na gu wuya khu gundze, va mu gurumedza guphasa Jesu gu rwala gihambano.

Marko 8:34

Na ranide gidzemo gumogo ni vapizane vaye, a di va embela, khuye: “Oyu a vbwetago gu nyi landrela a na dzi dige wurumba waye, a gu rwala gihambano gyaye a nyi landre.

Luka 14:27

Uye a si rwaligo gihambano gyaye a nyi landrela, kha dzi kodzi gu khala mupizane wangu.

Luka 23:26

Na va gu hongola naye, va di gurumedza mwama moyo nya gupwani khu Simoni wa Sirene, a nga bani a gu wuya khu gundze, va mu rwega gihambano, a gu landra khu hwane ga Jesu.

Johane 19:17

A di duga na va mu rwegide gihambano magatani, a hongola vbawulangatunu wu ranwago khu Gihebheru, pwani: “Goligota,” gutshamusago, pwani “Girwarwatunu.”

Johane 21:19

A di ganela kharati na gu thula mafelo Pedro a nga hadza gu dhumisa khayo Nungungulu. Khavbo avbo, a di mu embela, khuye: “Nyi landre.”

Johane 21:22

Jesu a di hakha, khuye: “Nya gu dzina gukheni a vbanye kala nyi gu wuya, ginani gi gu garadzago? Uwe nyi landre basi.”

Mithumo 14:22

Va di tiyisela myonyo nya vapizane, va gu va khongotela gu tiya gukhodwani gwawe, kholu, va di gu ganela, khavo: “Gu vbwetega guvbindra khu sigaradzoni nya singi gasi gu bela Mufumoni wa Nungungulu.”

Vakolosi 1:24

Olu nyi ngu nengela khu gusaniseka gwangu, nyi sanisekago khu kotani gwanu; nya gu tadzisa milini gwangu, avba gu nga bani gu tshade gusanisekani ga Kristo khu kotani nya Libandla a gu givili gyaye.

1 Vatesalonika 3:3

gasi mu si thurugi khu sisaniso sesi. Enu mu ngu dziti gwadi gukhenu khiso esi hi si lindrelago.

2 Thimoti 3:12

Vatshavbo vale va vbwetago gu vbanya khu gukhodwa ga Kristo Jesu va na saniswa.

1 Pedro 2:21

Kholu, khiso a mi ranedego iso. Uye Kristo, wurumba waye, sanisekide kotani yanu, a hi ninga giwonelo gasi hi landra ndzila yaye.