Matewu 16:21 - Bhibhiliya Nya Guage

²¹ Gukhugela litshigu lile, Jesu a di phela gu yeyedza vapizane vaye khuye na ni fanelo nya guhongole Jerusalema aya saniswa ngudzu khu madhota, ni vakhongolo nya vaphasi ni vahevbudzi nya Nayo, a songwa; aholu a na wuga khu litshigu nya wuraru!

Matewu 16:21 Iomraidhean Croise

Nehemiya 12:7

Salu, Amoki, Hilikiya ni Jedhaya; ava khavo va nga bani vari vathangeli nya vaphasi nya mhamba gumogo ni gu thangela vandriyawe matshiguni ya Jesuwa.

Matewu 12:40

Kha nga Jona a nga khalago girumbuni nya nyatudwi matshigu mararu wutshigu ni mihani, kharato nuye Mwamana wa Muthu a na khala vbavbatshi nya mafu matshigu mararu wutshigu ni mihani.

Matewu 16:22

Pedro a di mu rana khu phuvbo, aya mu kawuka, khuye: “Isoso si nga giregi gwago, Pfhumu! Silo nya nga isoso gima kha si na gu dugelela!”

Matewu 16:28

Khu lisine nyi ngu mi embelani nya gukheni: Vomo hi gu navo avba va na gumba linga lufu, kala va gu wona Mwamana wa Muthu na guta ni mufumo waye.”

Matewu 17:12

Aholu eni nyi ngu mi embelani, kheni: Eliya dzude, aholu kha va mu tugula. Va di mu phara idzo va nga dzinago khidzo. Kharati nugo, va na sanisa Mwamana wa Muthu.”

Matewu 17:9

Na va gu tshiga khu mugigomoni, Jesu a di va laya, khuye: “Mu nga embeli muthu iso mu ngari gu si wonago, kala Mwamana wa Muthu a wuga khu ga vafudego.”

Matewu 20:28

Kholu Mwamana wa Muthu nuye kha tela guta thumedwa, aholu guta thumela ni gu ningela womi waye gasi gu dzegisa va nya gutala.”

Matewu 26:2

“Kha nga mu dzitigo, gu tshade matshigu mavili gasi gu hodzwa Phasika. Mwamana wa Muthu a na ningedwa gasi a khokhothedwa.”

Matewu 26:47

Na nga guganela, a di bela moyo nya vale nya likhumi na vavili, nari ni libutho nya likhongolo nya vathu, va nga rumedwago khu vakhongolo nya vaphasi ni madhota, na vari ni matshari ni sighomba.

Matewu 27:12

Aholu, na gu ketsarwi khu vakhongolo nya vaphasi ni madhota, kha nga hakha gilo.

Matewu 27:63

“Mwamangulu, hi ngu dundruga nya gukhethu mukanganyisi wule na nga gu vbanya a di nga ganela, khuye: ‘Nyi na wuga hwane nya matshigu mararu.’

Matewu 28:6

Mwalo avba. Wugide, kha nga idzo a nga ganelago khidzo. Deluni muta wona avbo a nga bani lade avbo.

Marko 8:31

Khavbo avbo, a di phela gu va hevbudza, khuye: “Mwamana wa Muthu a na ni fanelo nya gusaniseke ngudzu, a gu nyenywa khu madhota, ni vakhongolo nya vaphasi nya mhamba, ni vahevbudzi nya Nayo, a songwa. Aholu, khu litshigu nya wuraru a na wuga.”

Marko 9:12

Jesu a di va phindrula, khuye: “Khidzo. Eliya a na phela khuye ata gasi guta lulamisa silo satshavbo. Milowo gasi yari khiyo ginani khu Mwamana wa Muthu, khandri yari khiyo gu vbwetega a saniseka ngudzu ni gu nyenywa?

Luka 17:25

Aholu emedwe khu gu phela khu gu saniseka ngudzu ni gu nyenywa khu melana yoyu.

Luka 24:46

a gu va embela, khuye: “Gu lovidwe pwani Kristo emedwe khu gusaniseka, aholu khu litshigu nya wuraru a na wuga khu ga vafudego;

Luka 9:31

Ava, na va tade khu gidhumo, va di gu ganela khu gufa gwaye gu nga bani guvbweta gu dugelela Jerusalema.