Matewu 16:17 - Bhibhiliya Nya Guage

¹⁷ Jesu a di mu hakha, khuye, “U kategide, Simoni, mwamana wa Jona, kholu isoso khandri u di tiviswa khu muthu; aholu, u di tiviswa khu Babe wangu a guromo Ndzadzini.

Matewu 16:17 Iomraidhean Croise

Isaya 54:13

Sanana sago satshavbo, si na khala vapizane va Pfhumu Nungungulu; sanana sago si na mana gurula nya gukhongolo ngudzu.

Luka 22:32

Aholu eni nyi di lombelela khu uwe ga Nungungulu gasi gukhodwa gwago gusi rereki. Gani olu, gikhati u na vbindrugedzago uwe, u na tiyisa vandriyago.”

Johane 1:42

A di mu dzega aya naye ga Jesu. Jesu, na khuside maho a mu khedza, a di mu embela, khuye: “Uwe khuwe Simoni, mwamana wa Johane, u na ranwa pwani khuwe Khefasi” gutshamusago pwani: Giwindri.

Johane 6:45

Vaprofeti va lovide gukhavo: ‘Vatshavbo va na hevbudzwa khu Nungungulu.’ Muthu watshavbo a pwidego ni guhevbudzwa khu Babe, a nguta gwangu.

1 Vakorinto 15:50

Khu maganelelo yaya, vandriyangu, nya guvbweta gu mi embela kheni, muthu nya mafu kha dzi kodzi uye wurumba waye, gu hakha thomba nya Mufumo wa Nungungulu. Egi gi gu ni lufa kha gi yeli gu hakha thomba nya guvbanye nya gupindruge.

Vagalatiya 1:16

a di nyi tulela guti Mwanaye, gasi nyiya tivisa Mahungu yaye nya Yadi ga va nya mayigo. Gima kha nya hongola nyiya lomba wusingalagadzi ga muthu,

Vaefeso 2:8

Kholu mu vbanyisidwe khu wuhindzi khu kotani nya gukhodwe gwanu. Guvbanyiswa khandri mwa gu gu mana khu tshivba yanu, kholu giningwa gya Nungungulu.

Vaefeso 3:5

Ga mimelana yi vbindridego mwalo ni moyo a tuledwego guti sihalo yoyu, aholu, ga matshigu ya muhuno, Nungungulu, khu Liphuvbo laye nya Guage, a wu tiviside ga vapostoli vaye nya guage ni ga vaprofeti.

Vaefeso 6:12

Kholu khandri ha gu dwana ni vathu nya marambo ni nyama, aholu ha gu dwana ni dzitshivba nyamba wonega dzi fumago tigoni momu nya gidema, ha gu dwana ni dzitshivba nya maphuvbo nya guvivbe ya Ndzadzini.

Vahebheru 2:14

Sanana a si thulago khu vathu nya givili ni novba. Jesu a dzi giride idzosaye ni avo afela gu pala, khu gufa gwaye, Sathane a nga bani ari ni tshivba nya gusonge.

1 Pedro 5:1

Eni nyi gu lidhota neni, nyi ngu khongotela mambe madhota. Eni nyi fakazi nya gusaniseke ga Kristo, nyi na hengela wudhumoni wu na gu wonegiswago.

1 Johane 4:15

Muthu a gu tiyisa nya gukhuye Jesu Kristo Mwamana wa Nungungulu, Nungungulu a ngu vbanya gwaye, uye nuye a ngu hengela gu vbanya ni Nungungulu.

1 Johane 5:20

Hi ngu dziti gambe gukhethu Mwamana wa Nungungulu vbohide, a ngu hi ninga mapimo nya guti Nungungulu nya lisine. Ethu hi ngu hengela guvbanya ni Nungungulu nya lisine, ethu hi guromo ga Mwamana waye Jesu Kristo. Oyu khuye Nungungulu nya lisine, khugo guvbanya nya gupindruge.