Matewu 15:28 - Bhibhiliya Nya Guage

²⁸ Khu kharato, Jesu a di mu hakha, khuye: “Nyamayi, gukhodwa gwago gukhongolo! Gu na girege kha nga guhaladza gwago.” Gukhugela gikhati gile nyamahegyane waye a di hawuluga.

Matewu 15:28 Iomraidhean Croise

Joba 13:15

Ambari a gu nyi songa, nyi mwalo gimbe gitumbo; gambe mbeli gwaye, eni nyi na simamisa ni mavbanyelo yangu.

Joba 23:10

Aholu Uye a ngu yiti ndzila yangu; umo nyi gimbilago khumo, a gu nyi linga, nyi na fanana ni ndralama.

Dzindzimo 145:19

Uye a gu ninga esi va si vbwetago avo va mu thavago; a ngu va yingisa va gu mu lomba giphaso, a va vbanyisa.

Gililo 3:32

Hwane nya gu bani a mu tshaniside, a ngu mu pwela gisiro, kholu lihaladzo laye likhongolo ngudzu.

Matewu 14:31

Khavbo avbo, Jesu a di mu phara khu libogo, a mu embela, khuye: “Muthu nya gukhodwe vbadugwana, khu ginani u nga kanakanago?”

Matewu 15:27

Nyamayi a di khuye: “Khidzo u ganelago, Pfhumu. Aholu dziti nya gukhuwe simbwana si ngu roledzela dzitshetana dzi thegelago khu vbamezatunu ga vamune ndranga.”

Matewu 8:10

Na pwide magana yaya, Jesu a di mu liwuga ngudzu, a gu embela avo va nga bani va gu mu landra, khuye: “Nyi ngu mi embelani, khu lisine, kheni: Gima nyi si gu mani muthu nya gukhodwe nga oyu tigoni momu ga Israyeli!

Matewu 8:13

Khavbo avbo, Jesu a di embela muthangeli, khuye: “Indra, si na girege satshavbo kha nga idzo u khodwago khidzo.” Gikhati gile kamwe githumi gi di hawuluga.

Matewu 9:22

Jesu na thendregedzide, a di mu khedza, khuye: “Mwanangu, tiya, gukhodwa gwago gu gu vbanyiside.” Gikhati gile kamwe, nyamayi wule a di dzegela gu hawuluga.

Marko 5:34

Uye a di mu embela, khuye: “Mwanangu, gukhodwa gwago gu gu vbanyiside. Indra khu gurula, madwali yago ma hawulugide.”

Luka 17:5

Vapostoli va di mu embela, khavo: “Pfhumu, engedzela gukhodwa gwathu.”

Luka 7:50

Jesu a di embela nyamayi wule, khuye: “Gukhodwa gwago gu gu vbanyiside. Indra khu gurula.”

Luka 7:9

Na pwide magana yaya, Jesu a di liwuga ngudzu, a gu embela avo va nga bani va mu landra, khuye: “Nyi ngu mi embelani, kheni: Nyi si gu mani gukhodwa nya gukhongolo nya nga ogu, ambari ga va na Israyeli.”

2 Vatesalonika 1:3

I fanelo yathu gu dhumisa Nungungulu gikhati gyatshavbo khu enu, vandruye. Gu ngu yela gu gira kharalo kholu gukhodwa gwanu gu andride ni lihaladzo lanu li dandride, eli mu girelanago khu gyanu.

1 Samuweli 2:30

Khu kotani nya isoso, upwani esi a ganelago Pfhumu Nungungulu wa Israyeli, wari, khuye: Eni nyi di ganede ga ndranga ya babe wago ni ndranga yago, gukheni va na nyi thumela kha nga vaphasi nya mhamba kala gupindruga. Olu Pfhumu Nungungulu a ngu ganela, khuye: Kha si na simama. Kholu avo va nyi zundzago, nyi na va zundza neni, aholu avo va nyi kanyisago va na thedwa dzitshoni.