Matewu 15:11 - Bhibhiliya Nya Guage

¹¹ Khandri gile gi belago khu kanani gi nyenyezisago muthu, aholu igyo gi dugago khu kanani gwaye khigyo gi mu nyenyezisago.”

Matewu 15:11 Iomraidhean Croise

Dzindzimo 10:7

Khanani gwaye gu tade khu tshamba, gukanganyisa ni gutshanisa; lidimi laye, la gu ganela manyala ni gupoyila.

Dzindzimo 12:2

Muthu ni muthu, a gu liphela muthu kwawe khu magana nya gusengedzele ni gupemba.

Isaya 37:23

Gasi khu mani u mu poyidego ni gu mu vala? Khu mani u mu khusedzedego lito ni maho yago nya gu dzi dandrise? U di girela Nyaguage wa Israyeli!

Matewu 15:10

Khavbo avbo, a di rana gidzemo, gasi gi hidzimele gwaye. A di gi embela, khuye: “Nyi yingiseni, gasi mu si pime gwadi.

Matewu 15:12

Vapizane vaye va di mu yela vaya mu embela, khavo: “Ina u ngu dziti nya gukhuwe Vafarisi va gorogide khu maganelelo yale u nga ganelago khayo, gani?”

Marko 7:15

Muthu kha nyenyeziswi khu silo sa vbavbandze si belago ndrani gwaye, aholu a gu nyenyeziswa khu esi si dugago khu ndrani gwaye.

Varoma 14:14

Nyi ngu dziti ni gukhodwa gwadi khu ga Pfhumu Jesu gukheni, gimwalo gilo gi nyenyezidego khu tumbunugo nya igyo. Aholu muthu a gu pimisa gukhuye gilo nya gukari gi nyenyezide, a na gi wona mapimoni gwaye na gi nyenyezide furi.

Varoma 14:17

Kholu Mufumo wa Nungungulu, khandri mahungu nya guhodze ni gusela, aholu, mahungu nya gululame, nya gurule ni gunengela gutago khu Liphuvbo nya Guage.

Varoma 14:20

U nga ghoheteli thumo wa Nungungulu khu kotani nya guhodze. Hi ngu dzi kodza gu hodza silo satshavbo, aholu guvivba khu gu hodza gilo gi dzi kodzago gu tshunganedzisa muthu kwanu a thega gighohoni.

1 Thimoti 4:3

Va embela vathu gukhavo mu nga dzegani, mu nga hodzi egi ni gile; va diga gu hodza esi Nungungulu a si vangedego ava va khodwago ni vale va tigo lisine, gasi va si hakha va bonga Nungungulu.

Tito 1:15

Satshavbo si agide ga ava va agidego. Aholu, gi mwalo gi agidego ga vale nyamba aga, nyamba khodwa, kholu maalakanyo ni mapimo yawe ma tade khu ndzilo.

Vahebheru 13:9

Mu nga dzi digi mu sengwa khu sihevbudzo nya guhambanehambane, si mi dusago ndzilani nya lisine. Kholu gwadi myonyo yathu yi hakhe tshivba nya wuhigo wa Nungungulu, nasiri khu gu landrisa sihena nya milayo nya guhodze; kholu avo va landrisago milayo yoyo, gimwalo giphaso va gi manago ga iyo.

2 Pedro 2:18

Avo va gu ganela silo nya gu dzi khusedze nya wupumbu, va sengedzela vathu khu gunavela gwawe nya silo nya guvivbe ni wubhayi, va ndreyisa vale va guromo vbafuvbi ni gu duga ndzilani ya vale va vbanyago guvivbani.