Matewu 14:31 - Bhibhiliya Nya Guage

³¹ Khavbo avbo, Jesu a di mu phara khu libogo, a mu embela, khuye: “Muthu nya gukhodwe vbadugwana, khu ginani u nga kanakanago?”

Matewu 14:31 Iomraidhean Croise

Genesi 22:14

Abrahama a di rana wulanga wule khuye: “Pfhumu Nungungulu a na ninga phindrulo.” Kala na muhuno gu ganedwa gupwani: “Gigomoni a ningago phindrulo Pfhumu Nungungulu.”

Dzindzimo 138:7

Nya gu bani nyiri vbakari nya dzimhango, uwe u ngu nyi vbanyisa, wa gu thawuludza libogo lago la nyamudye u nyi vhikela ga valala vangu; u nyi vbanyisa khu tshivba yago.

Isaya 63:12

wule libogo laye nya wudhumo a va giridego va gimbila khu libogo la nyamudye la Mosi? A nga kabanisago mati khu vbakari mbeli gwawe, gasi gu dzi girela lina nya gupindruge, gani?

Matewu 14:30

Aholu, na pwide tshivba nya phuvbo yi nga bani yi gu furugedza ngudzu, a di khala hwanga, a gu phela gurika. Khavbo avbo, a di womba huwa, khuye: “Nyi vbanyise, Pfhumu!”

Matewu 14:32

Na va bede ngalavani, phuvbo yi di degula.

Matewu 16:8

Aholu Jesu, a nga bani a wona mapimo yawe, a di va embela, khuye: “Vathu nya gukhodwe vbadugwana, khu ginani mu emago dzikhana khu gukhenu kha mwa dzega sibaba?

Matewu 17:20

Jesu a di va hakha, khuye: “Khu kotani nya gukhodwe gwanu a gu gudugwanana. Khu lisine nyi ngu mi embelani, kheni: Gukhodwa gwanu gwa gu fanana ni mbewu nya ginapi, mu na rumani gigomo gegi, khenu: ‘Siguga khavba uya khala vbale’; gi na mi yingisani. Khu kharato, gimwalo gi na mi tandrago.

Matewu 6:30

Ambari nya gukhenu mwasi, nya gu muhuno womo thembweni, mindru wu rinywa niloni, wu ambagiswago kharati khu Nungungulu, ahati enu, vathu nya gukhodwe vbadugwana?

Matewu 8:26

Jesu a di va embela, khuye: “Mwa gu thava ginani, vathu nya gukhodwe vbadugwana?” Na khugide, a di kawuka phuvbo ni mavimbi. Khavbo avbo, gu di manega malenga nya makhongolo.

Marko 1:31

Na mu yede, a diya mu phara khu libogo a gu mu wusa. Khavbo avbo, feveri yi di dzegela guvbindra, a gu wuga a va sayisa.

Marko 1:41

Jesu a di mu pwela wusiwana a mu handzega mandza, a mu embela, khuye: “Nyi ngu dzina. Agiswa.”

Marko 11:23

Kholu Khu lisine nyi ngu mi embelani gukheni, muthu a gu embela gigomo gegi khuye siguga khavba uya thegela phwani, na si kanakani monyoni gwaye, aholu a khodwa gukhuye esi a ganelago si na girega, khu lisine furi si na girega kharalo.

Marko 16:7

Indrani muya tivisa vapizane vaye gumogo ni Pedro, khenu a na mi hegudzani gu vboha Galileya. Iyoyo mu na ya mu wona kha nga edzi a nga mi embelani khidzo.”

Marko 4:40

Khavbo avbo, a di va embela, khuye: “Khu ginani mu thavago ngudzu? Ina mu si gu khodwi, gani?”

Marko 5:41

A di mu phara khu libogo a mu embela, khuye: “Talitha, kumi”- gu tshamusago pwani: “Nyamahegyane, nyi ngu gu ruma, wuga.”

Luka 24:34

avo va di va embela, khavo: “Khu lisine Pfhumu wugide! A dzi wonegiside ga Simoni!”

Mithumo 4:30

Handzega mandza yago gu gumanege siwonegiso ni siliwugiso ni gu hawulugisa madwali khu lina la Jesu, githumi Gyago nya gukatege.”

Dhewuteronome 32:36

Kholu, Pfhumu Nungungulu, a na lamulela vathu vaye, ni gupwela gisiro sithumi saye, avbo a na va wonago gukhuye va ngu vbela tshivba, ni gukhuye avbo gwawe mwalo na moyo a na tshalago, gu mwalo khumbi mwendro nya gutshulege.

1 Thimoti 2:8

Khu kharato, nya gu vbweta vama vatshavbo va gira nombelo, ni wevbini wulanga, va khusedza mandza ma agidego nyambana likhulo ni wukhusu.

1 Pedro 1:5

gasi thomba mu vegedwego khu gukhodwa ni gu sayiswa khu tshivba ya Nungungulu, mu mana guvbanya gu guromo vbafuvbi, gasi guta wonegiswa khu gikhati nya guhegise.