Matewu 14:30 - Bhibhiliya Nya Guage

³⁰ Aholu, na pwide tshivba nya phuvbo yi nga bani yi gu furugedza ngudzu, a di khala hwanga, a gu phela gurika. Khavbo avbo, a di womba huwa, khuye: “Nyi vbanyise, Pfhumu!”

Matewu 14:30 Iomraidhean Croise

2 Dzipfhumu 6:15

Githumi gya muthu wa Nungungulu, gi di wuga ni mambagugya gi duga, gi ta mana lidhoropa na li randredwe khu gikwata nya masotshwa, dzikavalu ni dzikareta; khavbo avbo, githumi gyaye gi di mu embela, khigyo: “Mune wangu, olu hi na gira ginani?”

Dzindzimo 3:7

Wuga, Pfhumu Nungungulu! Nyi vbanyise Nungungulu wangu, kholu uwe u ngu veta siwombo sa valala vangu, u kunulela magwaha ya sighohi.

Matewu 14:29

Jesu, khuye: “Delu.” Pedro, na tshigide khu ngalavani, a di khinga Jesu khu vbatshani nya mati.

Matewu 14:31

Khavbo avbo, Jesu a di mu phara khu libogo, a mu embela, khuye: “Muthu nya gukhodwe vbadugwana, khu ginani u nga kanakanago?”

Marko 14:38

Lirelani na mu gu lombelela gasi mu si thegi gusengwani. Hefemulo wu tade khu tshivba, aholu givili gi mwalo tshivba.”