Matewu 14:25 - Bhibhiliya Nya Guage

²⁵ Aholu ni marandra gugya Jesu a di va yela, na gu gimbila khu vbatshani nya mati.

Matewu 14:25 Iomraidhean Croise

Joba 9:8

Khuye ekha a ghwimbidego damboni, a gimbila khu vbatshani nya linene.

Dzindzimo 104:3

U vbahide dzinyumba dzago matini ya vbatshani, u giride kareta yago khu mapfhi, u gimbila dzimbapini nya phuvbo.

Matewu 24:43

Khalani na mu dziti nya gukhenu: Nari pwani mune ndranga a ngu giti gikhati yi na gu tago khigyo mbafa vbakari nya wutshigu a na gu ghadha, gasi a si phangedwi nyumba yaye.

Marko 13:35

Khu kharalo, khalani na mu dongide kholu kha mu giti gikhati a wuyago khigyo mune ndranga, gani silambo, gani vbakari nya wutshigu, gani vbakari nya mihani, gani mambagugya, gani dzimindrudzile;

Marko 6:48

Na wonide nya gukhuye va garade khu gu dzuwa makasiya kholu phuvbo yi di bani yi gu veta khu thonvutunu, a di va yela ni mambagugya na gu gimbila khu vbatshani nya mati, a gira gukhwatshi a gu va thangela.

Luka 12:38

A guta khu gikhati nya wuvili ni gikhati nya wuraru, ata si mana na si nga gu lindrela, si na bani si kategide sithumi soso.

Johane 6:19

Na va dzuwide makasiya pfhuka nya livbandre (5) mwendro livbandre na mweyo (6) dzikilometro va di wona Jesu na gu hidzimela ngalavatunu, na gu gimbila khu vbatshani nya mati; va di khala hwanga.

Gutuledwa 10:2

Yi di pharide mandzani libhuku na li tudwe. Yi di gandra phwani khu ngondro wa nyamudye, khu ngondro wa nyambade yi gandra mafuni,

Gutuledwa 10:5

Khavbo avbo, ngilozi nyi nga yi wona na yi emide yi gandra phwani ni mafuni, yi di khusedza libogo la nyamudye yi nonedza ndzadzini,

Gutuledwa 10:8

Lito lile la ndzadzini nyi nga lipwa, li di wuya li nyi embela gambe, khilo: “Indra uya dzega gibhukwana nya gutudwe gi guromo mandzani ga ngilozi yile yi emidego, yi gandra yiphwa ni mafu.”