Matewu 13:41 - Bhibhiliya Nya Guage

⁴¹ Mwamana wa Muthu a na rumela dzingilozi dzaye dzi dusela Mufumoni gwaye satshavbo sikhunguvanyiso ni ava va girago guvivba,

Matewu 13:41 Iomraidhean Croise

2 Samuweli 23:6

Aholu, sanana sa Bheliyali satshavbo si na rinywa vbavbandze gu fanana ni miba, eyi yi si kodzwigo gu pharwa khu mandza;

Sofoniya 1:3

Nyi na mbembisa vathu ni sirengo; nyi vbedza sinyoni sa damboni ni dzindzandzi dza phwani; avo va khunguvanyisago vakwawe ni va nya guvivbedwa khu monyo, nyi na fuvisa vathu mafuni, a ngu ganela Pfhumu Nungungulu.

Matewu 13:49

Khidzo kharati gu na giregago guhegisani nya litigo: Dzi na duga dzingilozi dzi ta hambanisa avo nyamba vadi vbakari nya va nya ndruda,

Matewu 18:7

Libango ga litigo khu kotani nya sikhunguvanyiso! Nyi ngu dziti nya gukheni iso si mwalo gu vhikedwa; aholu, libango li na ni wule a si vangago!

Matewu 24:31

A na rumela dzingilozi dza Nungungulu gu womba pundru nya gudzume ngudzu, gasi gu tombanisa sihathwa sa maphuvbo yatshavbo ya mana, gukhugela mahegiso kala mahegiso nya mafu.

Matewu 3:12

A na ni gisalava mandzani gwaye; a na vbiyela githala gyaye, a vbevbera dzimbewu a thela mugisangalani, gasi mafisi a na ma vbisa niloni nyamba tshimega.”

Matewu 8:20

Jesu a di mu hakha, khuye: “Migehe yi na ni mavbala yawe; sinyoni sa damboni si na ni sihaga sawe. Aholu Mwamana wa Muthu mwalo avbo nya gukhihimele hungo waye.”

Marko 13:27

A na rumela dzingilozi dzaye gasi guta tombanisa sihathwa sa maphuvbo yatshavbo ya mana, gukhugela mahegiso nya litigo kala mahegiso nya ndzadzi.

Varoma 2:16

Gu na girega kharati litshigu Nungungulu a natago a ta lamula mithumo nya gusihale ya muthu ni muthu khu Jesu Kristo, kha nga edzi yi hi hevbudzago khidzo Ivhangeli nyi mi tivisago.

Vahebheru 1:14

Ina maphuvbo yatshavbo ya Nungungulu, khandri ma di rumedwa guya phasedzela basi vale va hakhidego thomba nya guvbanyiswe, gani?

Gutuledwa 21:27

Dhoropani gakone gima kha gu na bela gilo nya gunyenyeze, ni vathu va girago guvivba ni malipha; aholu va na bela basi vale va lovidwego libhukuni nya womi la Nvutana.