Matewu 13:38 - Bhibhiliya Nya Guage

³⁸ Lithembwe khu litigo; mbewu nya yadi khu sanana nya Mufumo; nyasavare khu sanana sa Sathane;

Matewu 13:38 Iomraidhean Croise

Genesi 3:15

Nyi na vega livengo ga uwe ni nyamayi, ga gitugulwana gyago ni gitugulwana gyaye. Igyo gi na gu pfara hungo, uwe u na zama gu gi hodza gitshinandro.”

Dzindzimo 22:30

Melego wawe wu na mu thumela; va na tivisa Pfhumu ga mimela ni mimelana yi nga gutago.

Isaya 53:10

Khu guralo, Pfhumu Nungungulu a di tsakiswa khu gu mu lemedza khu sigaradzo; a ningela womi waye gasi gu girwa mhamba nya guhandze sighoho, a na wona livelego laye, ni guvbanya matshigu nya gulaphe; khu mandzani gwaye gu na tadzisega gugola ga Pfhumu Nungungulu.

Hoseya 2:23

Khu litshigu lolo, Pfhumu Nungungulu a ngu ganela, khuye: Eni nyi na ninga phindrulo Ndzadzini, ni Ndzadzini, gu na ninga phindrulo mafuni.

Matewu 13:19

Muthu a gupwa mahungu nya Mufumo a si ma pimi ma gu thula ginani, a nata Sathane ata fugula iso si nga bani na si yadwe monyoni gwaye. Egi khu gipimaniso nya mbewu nya guthegele bambe nya ndzila.

Matewu 24:14

Mahungu nya Yadi yaya nya Mufumo wa Nungungulu ma na huweledwa tigoni gwatshavbo gasi gu ninga wufakazi mayigoni gwatshavbo. Khu hwane nya ugo khavbo gu no tago guhegisa.

Matewu 5:37

Guganela gwanu gu na khale ina nya gutiye, a gu bani ari ina; ahihi nya gutiye, a gu bani ari ahihi. Kholu iso si hambanago nesi sa gu vangwa khu liphuvbo nya guvivbe.

Matewu 8:12

gasi va mune thomba va na rinywa vbavbandze, mugidemani, avbo va na guya lilago ni gu ketsa magwaha.”

Luka 24:47

ni gupwani, khu lina laye, gu na hevbudzwa mayigoni gwatshavbo gu vbindrugedza mavbanyelo ni tsetselelo nya sighoho, gukhugela Jerusalema.

Johane 12:24

Khu lisine, nyi ngu mi embelani, kheni: Mbewu nya tirigu ya gu thega mafuni yi sifi, yi na khala yonga basi; aholu ya gufa, yi na ninga mihandro nya yingi.

Johane 8:44

Babe wanu khu Sathane, khu kharato mwa vbweta gu gira guhaladza gwaye. Uye gighevenga gukhugela guhegulani, gima a si gu emeli lisine, kholu gwaye limwalo lisine. A gu lipha khu gu landra tumbunugo nya makhalelo yaye, kholu uye muliphi gambe babe nya malipha.

Mithumo 13:10

“Uwe u gyanana gya Sathane, u tadego khu malipha ni guvivba gwatshavbo, nala nya silo satshavbo nya gululame, u na hegisa lini gu tshunganisela dzindzila nya gululame dza Pfhumu?

Varoma 10:18

Olu nyi ngu wudzisa: Ina avo kha va mapwa mahungu yaya, gani? Khu lisine va ma pwide. Gambe iyo Milowo nya Guage yabune yi ngu ganela, khiyo: “Lito la vativisi li pwade tigoni gwatshavbo, ni magana yawe ma vbohide kala mahegiso nya mafu.”

Varoma 16:26

olu wu wonegisidwe khu Milowo ya vaprofeti khu guruma ga Nungungulu nya gupindruge. Mayigo yatshavbo ma tuledwe gu wuti sihalo wowu gasi ma hakhe gukhodwa.

Varoma 8:17

Ha gu bani hiri sanana, gu yeyedza gu pwani hi vahodzi gambe nya thomba; hi vahodzi nya thomba ya Nungungulu gumogo ni Kristo. Ha gu tshaniseka naye, hi na hengela gambe naye wudhumoni gwaye.

Vakolosi 1:6

Mahungu nya Yadi mu ma hakhidego, ma ngu simama gu ninga mihandro nya yadi ni gu andra tigoni gwatshavbo kha nga edzi ma nga girago vbakari gwanu, gukhugela litshigu mu hakhidego mahungu nya wuwadi wa Nungungulu mu gu wuti khu lisine.

Jakobe 1:18

Khu gudzina gwaye, a hi velegide khu tshivba nya lito nya lisine, gasi hi khala nga matiwula nya sivangwa saye satshavbo.

Jakobe 2:5

Yingisani gwadi, vandriyangu nya sigodwa, ina Nungungulu kha hatha sisiwana sa mafuni momu a si gira sitetema nya gukhodwe, si khala vahodzi nya thomba nya wufumu a nga tumbisago ga vale va mu golago, gani?

1 Pedro 1:23

Khu tshivba nya magana nya guvbanye nya gupindruge ya Nungungulu, enu mu velegidwe nyaluphye khu Babe a sifigo, nasiri khu vababe nya gufe.

1 Johane 3:2

Sigodwa sangu, ethu olu hi sanana sa Nungungulu, aholu, hi si gu dziti gukhethu hi na bani hiri ginani. Ethu ha guti esi nya gukhethu, gikhati Kristo a na dzi wonegisago, hi na fanana naye, kholu hi na mu wona wurumba waye, nga edzi a guromo khidzo.

Gutuledwa 14:6

Nyi di wona gambe yimbe ngilozi na yi gu vbuvba ndzadzini. Yi diri ni Mahungu nya Yadi nya gupindruge, guta embela vathu va vbanyago mafuni, nya mafumbu, ni mahundzu, ni malimi yatshavbo.