Matewu 13:32 - Bhibhiliya Nya Guage

³² Iyo yi dugwana guvbindra dzimbewu dzatshavbo, aholu, na yi dandride, yi ngu vbindra mitongwe yatshavbo ya thembweni, yi gu khala simbo nya khongolo, wu thela matamo, sinyoni sa damboni si tago sita vbahela umo sihaga sawe.”

Matewu 13:32 Iomraidhean Croise

Dzindzimo 104:12

Bambe nya mitsongo, sinyoni sa ndzadzini sa gu vbaha sihaga sawe, si embelela matamoni nya misimbo yakone.

Ezekiyeli 31:6

Sinyoni satshavbo sa damboni si di vbaha sihaga sawe matamoni gwaye, sirengo satshavbo sa khabini si di gu velegela vbavbatshi nya matamo yaye, ni mayigo yatshavbo nya makhongolo ma di vbahide mutsani gwaye.

Dhaniyeli 4:12

Tshina ni mikhamba yaye, si digeni mafuni, yi hungeni khu makhetshe nya simbi ni sugu mwasini wa khabini, wu naganiswa khu hunguva ya ndzadzini, wu na kavedwe gumogo ni sirengo mwasi wa khabini.

Zakariya 4:10

Khu mani a kanyisago litshigu nya silo nya sidugwana? Vatshavbo va na kulungela gikhati va na wonago giwindri giri mandzani ga Zorobhabheli.”

Marko 4:30

A di engedza gambe, khuye: “Hi na wu fananisa ni ginani Mufumo wa Nungungulu? Gipimaniso muni hi na wu fananisago khigyo?

Marko 4:32

Aholu, na yi yadwe, yi ngu buga yi gu dandra guvbindra mitongwe yatshavbo, yi gu thela matamo nya makhongolo, ma girago mutsa, sinyoni sa Ndzadzini si dzi kodza guta girela umo sihaga sawe.”

Luka 13:18

Khavbo avbo, Jesu a di khuye: “Wu ngu fanana ni ginani Mufumo wa Nungungulu? Nyi na wu pimanisa ni ginani?

Mithumo 1:15

Khu matshigu yale, Pedro a di khuga a ema vbakari nya vandruye (tengo nya vathu vatshavbo va nga bani va tshanganide a diri gipimo nya lizana ni magumavili 120 vathu), a ganela, khuye:

Mithumo 21:20

Na va mu pwide, vatshavbo va di rungudza Nungungulu, va gu embela Pawulo, khavo: “Wandruye, u na wona nya gukhuwe mazana mangi nya Vajudha va hakhide gukhodwa ga Kristo, aholu va gu simama gu landrisa Nayo wa Mosi.

Gutuledwa 11:15

Ngilozi nya livbandre na dzimbili yi di womba pundru. Khavbo avbo, gu di pwala ndzadzini na va gu kulungela khu tshivba, khavo: “Olu, Mufumo nya litigo wa gu lumba Pfhumu yathu, ni Kristo a na fumago kala gupindruga nya gupindruge.”