Matewu 13:31 - Bhibhiliya Nya Guage

³¹ Jesu a di va ninga gimbe gipimaniso, khuye: “Mufumo wa Ndzadzini wu ngu fanana ni mbewu nya ginapi, muthu a nga yi dzegago a yala thembweni gwaye.

Matewu 13:31 Iomraidhean Croise

Ezekiyeli 47:5

A di pima gambe yimbe likhumi mazana (1.000) mikono, a diri tsongo nyi nga bani nyi si wu kodzi ni gu wu tsemakanya, kholu mati ma di khugegide, ma khala nondrwa nya guyele gu tshatuga basi khu gu hamba mayaka.

Matewu 13:24

Jesu a di va ninga gimbe gipimaniso, khuye: “Mufumo wa Ndzadzini wu ngu fanana ni muthu a nga yalago mbewu nya yadi thembweni gwaye.

Matewu 17:20

Jesu a di va hakha, khuye: “Khu kotani nya gukhodwe gwanu a gu gudugwanana. Khu lisine nyi ngu mi embelani, kheni: Gukhodwa gwanu gwa gu fanana ni mbewu nya ginapi, mu na rumani gigomo gegi, khenu: ‘Siguga khavba uya khala vbale’; gi na mi yingisani. Khu kharato, gimwalo gi na mi tandrago.

Luka 17:6

Pfhumu a di va hakha, khuye: “Nari pwani mu na ni gukhodwa gu fananago ni thanga nya ginapi, mu di hadza gu embela riva yoyu, khenu: ‘Kunuga avba uya dzi tsitsa phwani,’ uwo riva wu na mi yingisani.

Luka 19:11

Na va gu pwa esi, Jesu a di engedzela gimbe gipimaniso, kholu a nga bani a romo vbafuvbi ni Jerusalema, nulo vathu va nga bani va gu hingigedza gukhavo Mufumo wa Nungungulu wu di guvbweta gu vboha khu guvbiredza.

Luka 20:9

Khavbo avbo, Jesu a di phela gu ganela vbakari nya vathu, a gu va ninga gipimaniso gegi, khuye: “Muthu nya gukari a di lima lithembwe nya miuvha, a li tshiyedza valimi, a gu endra nya guya vbedza matshigu nya gulaphe, vbavbandze nya mayigo.