Matewu 13:23 - Bhibhiliya Nya Guage

²³ Aholu mbewu yi nga yadwago wulimeni nya wadi, khu wule a pwago mahungu a ma ti ma gu thula ginani: Oyu a ngu thela mihandro nya yingi: Lizana, livbandre na limwedo magumi, magumararu.”

Matewu 13:23 Iomraidhean Croise

Ezekiyeli 18:31

Dzudzugani hwindzo guvivba gwatshavbo mu gu giridego, ambalani monyo ni hefemulo nya wuphya; kholu, khu ginani mu dzi vangelago lufu, enu va na Israyeli?

Ezekiyeli 36:26

Nyi na mi ningani monyo nya wuphya, nyi thela ndrani gwanu liphuvbo nya liphya; nyi na dusa gwanu monyo nya giwindri nyi thela monyo nya nyama.

Matewu 12:33

“Kha nga mu dzitigo, simbo nya wadi wa gu velega mihandro nya yadi; gasi uye nyambasi wadi wa gu velega mihandro nyamba yadi. Khu kharato, simbo wa gu tidwa khu mihandro yaye.

Matewu 13:8

Gasi khu guhegisa, yimbe yi thegela wulimeni nya wadi, yi di thela mihandro: Dzomo dzi nga thela lizana; dzimbe, livbandre na limwedo magumi; dzimbe, magumararu dzimbewu.

Matewu 3:10

Ambari ulo, gibhewula gi vegidwe mikhambani nya simbo; simbo watshavbo wu si ningigo mihandro wu na kokwa, wu gu rinywa niloni.

Matewu 3:8

Wonegisani mihandro yi yeyedzago gu vbindrugedza gwanu.

Marko 10:15

Khu lisine nyi ngu mi embelani kheni oyu a si hakhigo Mufumo wa Nungungulu kha nga gyanana, gima kha na wu bela.”

Marko 4:20

Mbewu yi thegedego wulimeni nya wadi khu vale va pwago mahungu va gu ma hakha, va gu thela mihandro, yimbe yi gu ninga magumararu, yimbe livbandre na limwedo ni yimbe lizana dzimbewu mweyo khu mweyo.”

Luka 13:9

Wa gu velega mwakani, u na wu diga wu vbanya; wa gumba velega u na wu koka.’ ”

Luka 8:15

Yile yi nga thegela wulimeni nya wadi khu vale nya gu, na va ma pwide, va ma hakha khu monyo nya wadi nya gululame, va ma vegedza nyamba rereka kala va gu thela mihandro.

Luka 8:8

Gasi yimbe yi di thegela wulimeni nya wadi; na yi bugide, mbewu ni mbewu yi di thela lizana dzimbewu.” Khavbo avbo, a di khuye: “Uye a gu ni dzindzeve nya guyingise, a napwe!”

Johane 15:16

Khandrenu mu nga nyi hathago, kheni nyi mi hathidego nyi mi rumela, gasi muya ninga mihandro nya yingi ni gu mihandro yanu yi simame. Khu kharato, ni gevbini mu na lombago ga Babe wangu khu lina langu, uye a na mi ningani

Johane 8:47

Uye a gu wa Nungungulu a ngupwa magana ya Nungungulu; kha nga olu mu si mapwigo, giyeyedzo nya gupwani kha muri va Nungungulu.”

Mithumo 16:14

Nyamayi moyo nya gupwani khu Lidhiya, murengisi nya myendra nya siwunguwungu, wa dhoropani ga Tiyatira, a nga bani ari ni githawo ga Nungungulu, a di hi yingisa. Pfhumu a di tula monyo waye afela gu hakha magana ya Pawulo.

Mithumo 17:11

Vajudha va Bhereya va diri ni myonyo nya yadi guvbindra va Tesalonika. Va di hakha magana khu githawo, va gu khedza Milowo matshigu yatshavbo gasi gu wona, khidzo, khandridzo gani.

2 Vakorinto 9:10

Nungungulu, a ningago muyali mbewu ni guhodza, a na andrisa mbewu nya mithumo yanu nya yadi, eyi mu yi girago, ni gu dandrisa mihandro nya gululame gwanu.

Vafilipi 1:11

na mu tade khu mithumo nya gululame yi girwago gwanu khu Jesu Kristo, gasi a rungudzwe ni gu dhumiswa Nungungulu.

Vafilipi 4:17

Khandri gu khwatshi nya gudwanela miningelo, aholu nyi ngu gola mu engedzedwa wuhindzi wanu.

Vakolosi 1:10

Kharati, mu na kodza gu landrisa guhaladza gwa Pfhumu, mu gu mu tsakisa mithumoni yatshavbo; mu na ninga mihandro nya mithumo ya yadi, mu dandra khu guti Nungungulu.

Vakolosi 1:6

Mahungu nya Yadi mu ma hakhidego, ma ngu simama gu ninga mihandro nya yadi ni gu andra tigoni gwatshavbo kha nga edzi ma nga girago vbakari gwanu, gukhugela litshigu mu hakhidego mahungu nya wuwadi wa Nungungulu mu gu wuti khu lisine.

1 Vatesalonika 4:1

Vandruye, mu hakhide ga ethu sileletelo nya ndzila mu yelago gu yi landrani gasi gu tsakisani Nungungulu. Hi ngu mi lombani ngudzu khu lina la Pfhumu mu pharise gu gimbila khu ndzila yoyo, nga edzi mutago mu na gu gira, gasi mu andra ngudzu.

2 Vatesalonika 2:10

A na thumisa guvbanya gwatshavbo nya guvivbe, gasi gu kanganyisa ava va dzimedego, va na gumba dzumela gu hakha lisine li nga vbweta gu va vbanyisa.

Vahebheru 4:2

Kholu, ethu hi hakhide Mahungu nya Yadi nga edzi va nga ma hakhago khidzo avo. Avo va ma pwide Mahungu, aholu, kha ma va phasa gilo, kholu, va di mapwa va si ma hakhi khu gukhodwa.

Vahebheru 6:7

Nungungulu a ngu kategisa mafu ma hakha mati nya ndzadzi, gikhati gyatshavbo yi wago, ma gu ninga mihandro nya yadi ga vale va limago.

Vahebheru 8:10

Egi khu gidzumeledzwano nyi na girago ni vathu va na Israyeli, hwane nya matshigu yale, a ngu ganela Pfhumu, khuye: Nyi na thela milayo yangu mapimoni gwawe, nyi yi lova myonyoni gwawe. Eni nyi na khala Nungungulu wawe, avo va na khala vathu vangu.

2 Pedro 3:18

Aholu, simamani gudandra khu wuhigo ni guti ga Pfhumu, Muvbanyisi wathu Jesu Kristo. Wudhumo ga uye, olu ni gikhati gyatshavbo. Amen.

1 Johane 5:20

Hi ngu dziti gambe gukhethu Mwamana wa Nungungulu vbohide, a ngu hi ninga mapimo nya guti Nungungulu nya lisine. Ethu hi ngu hengela guvbanya ni Nungungulu nya lisine, ethu hi guromo ga Mwamana waye Jesu Kristo. Oyu khuye Nungungulu nya lisine, khugo guvbanya nya gupindruge.