Matewu 13:21 - Bhibhiliya Nya Guage

²¹ Kha nga ulo a gu mwalo mikhamba, kha tiya: Sa gu vboha sigaradzo ni sisaniseko khu kotani nya mahungu, a gu dzegela gu ma diga.

Matewu 13:21 Iomraidhean Croise

Joba 19:28

Mwa gukhenu: Hi simama gu mu tshanisa, gani? Ni guvbweta guti hungo nya nandru waye.

Dzindzimo 36:3

Khu kanani gwaye gu duga magana nya guvivbe ni malipha, mano nya gugire esi nya sadi, a ma tsukude gale.

Mavingu 12:12

Muthu nya guvivbedwe khu monyo, a gu dogorela phango wa va nya guvivbedwa khu monyo, aholu mikhamba ya valulamidego ya gu velega mihandro.

Mavingu 12:3

Muthu nya guvivbedwe khu monyo, kha hweli gu thega, aholu uye a lulamidego kha khuyugi, kholu a na ni mikhamba yi tiyidego.

Hoseya 6:4

Ginani nyi yelago gu gira khu uwe Efrayimi? Ginani nyi yelago gu gira khu uwe Judha? Kholu lihaladzo lanu la gu fanana ni mapfhi nya Wuronga, ni thondrwane nya dzimindru si vbiredzago gu mwalalega.

Matewu 10:22

Gasi enu mu na zondrwa khu vatshavbo khu kotani nya lina langu. Aholu uye a na tsaramago kala mahegiso a na vbanyiswa.

Matewu 11:6

Kategide saye wule a si khunguvanyiswigo kheni.”

Matewu 13:20

Mbewu yi nga thegela musiwindrini, khu wule apwago mahungu, a ma hakha khu gunengela gikhatinyana gyogyo.

Matewu 13:57

Khu kharato, va di hiwa khuye. Aholu, Jesu a di va embela, khuye: “Muprofeti a gu nyenywa basi tigoni ni ndrangani gwawe.”

Matewu 13:6

Aholu, na li vbiside lihani, yi divbya. Kholu yi nga bani yiri mwalo mikhamba, yi di banga.

Matewu 24:13

aholu uye a na gu tsaramago kala mahegiso a na vbanyiswa.

Matewu 26:31

Khavbo avbo, Jesu a di va embela, khuye: “Wutshigu wa muhuno mwatshavbo, mu na phalalega mu nyi diga nyenga kholu gu lovidwe, pwani: ‘Nyi na bayisa muhavisi, nyi kodza gu phalalegisa dzinvuta.’

Matewu 26:33

Pedro a di khusa lito, khuye: “Ambari va gu phalalega vatshavbo, eni gima kha nyi na gu diga wenga.”

Marko 4:17

Aholu avo va mwalo mikhamba, khu kharato, kha va tiya. Va gu mana silingo ni sigaradzo khu kotani nya Mahungu, va gu dzegela gu ma diga.

Luka 8:13

Mbewu yi nga thegela siwindrini, khu vale nya gu, na va pwide Mahungu ya Nungungulu va gu ma hakha khu gunengela. Kha nga ulo va gu mwalo mikhamba, va gu khodwa gikhati gidugwana; aholu sa gu vboha silingo, va gu ma diga.

Johane 6:26

Jesu a di va hakha, khuye: “Khu lisine, nyi ngu mi embelani, kheni: Enu mwa gu nyi vbweta, nasiri khu kotani nya siliwugiso mu nga si wonago, aholu khu kotani mu nga hodzago sibaba mu khura.

Varoma 2:7

A na ninga guvbanya nya gupindruge vale va dzi garadzago khu guthuma mithumo nya gululame, vale va mu dhumisago ni gu mu rungudza na va gu dwanela gu mana womi nyamba vbela.

Vagalatiya 5:6

Kholu, na hi tshanganisidwe ni Kristo, gu hana ni gumba hana wugwera kha si phasi gilo. Egi gi phasago khu gukhodwa gu dzi wonegisago khu mithumo ya lihaladzo.

Vagalatiya 6:12

Ava va vbwetago gu dzi khusedza khu tumbunugo nya wuthu, khavo va mi gurumedzago gu hana wugwera. Va gu gira isoso khu gu thava gu saniswa khu kotani nya gihambano gya Kristo.

Vagalatiya 6:15

Kholu gu hana ni gumba hana wugwera, kha si phasi gilo; aholu, egi gi phasago basi khu gu vbindrugedza mavbanyelo, hi khala vathu vaphya.

Vaefeso 3:17

Nyi ngu lomba gambe ga Nungungulu gukheni Kristo a na vbanye myonyoni gwanu khu gukhodwa, mu tiya gwadi, mu tsitsa mikhamba nya gutiye lihaladzoni.

Vafilipi 1:6

Nyi ngu tumba gukheni uye Nungungulu a phedego gwanu thumo waye nya wadi, a na wu londrowodza kala li gu vboha litshigu la Kristo Jesu.

2 Thimoti 1:15

Uwe u ngu dziti nya gukhuwe vatshavbo va tigoni ga Aziya va nyi digide ambari nuye Figelo ni Herimogeni.

2 Thimoti 4:10

kholu, Dhemasi a nyi digide khu gu vbweta silo nya mafu, hongode Tesalonika, Kresiseti hongode Galatiya, Tito hongode Dhalimasiya.

Jakobe 3:2

Kholu ethu hatshavbo hi ngu hosisa. Oyu nyamba hosisa guganelani gwaye muthu a vbeledego, a na ni tshivba nya gu dzi phare wurumba waye.

1 Pedro 1:5

gasi thomba mu vegedwego khu gukhodwa ni gu sayiswa khu tshivba ya Nungungulu, mu mana guvbanya gu guromo vbafuvbi, gasi guta wonegiswa khu gikhati nya guhegise.

Gutuledwa 2:13

Nyi ngu miti mithumo yago ni avbo u vbanyago, khavbo gi guromo gikhalo nya wufumu wa Sathane. Ambari guralo, u ngu pala sigaradzo satshavbo, u namarela, khu gutiya, linani gwangu. Khwa nyenya gukhodwa ga eni. Ambari ga matshigu yale a nga songwago khayo mufakazi wangu nya gutumbege Antipa a nga bani a gu vbanya vbakari gwanu, avbo a vbanyago nuye Sathane.