Matewu 13:11 - Bhibhiliya Nya Guage

¹¹ A di va hakha, khuye: “Kholu enu, mu ningidwe guti misihalo nya Mufumo wa Ndzadzini, gasi avo va mwalo giningwa gyogyo.

Matewu 13:11 Iomraidhean Croise

Dzindzimo 25:14

Pfhumu Nungungulu a gu tulela guti sihalo waye vale va mu thavago, a va tivisa gidzumeledzwano gyaye.

Isaya 29:10

Kholu, Pfhumu Nungungulu guhude vbatshani gwanu liphuvbo nya ligovbe nya likhongolo, a sega maho yanu, a gu vaprofeti; a fenengedza vathangeli vanu, a gu vama nya liwoni va tugulago misihalo.

Isaya 29:11

Siwoniso satshavbo si vbindrugedzide avbo gwanu si fanana ni mahungu ma lovidwego libhukuni li gu lemwa, eli li ningedwago ga uye a kodzago gu hevbula, mu mu embela, khenu: “Hi ngu gu lomba u hi hevbulela esi;” uye a hakha, khuye: “Kha nyi dzi kodzi gu li hevbula, kholu li lemidwe.”

Isaya 35:8

Gu na manega avbovbo ndzila nya yikhongolo nya likondro, yi na ranwago pwani Ndzila nya Guage; va nya gunyenyeza, kha va na vbindra khiyo. Yi emisedwe basi vathu va Nungungulu, khavo va na gimbilago khiyo, ambari nari sipumbu, kha va na dzimela.

Matewu 13:10

Khavbo avbo, vapizane va di mu yela vaya mu wudzisa, khavo: “Khu ginani u ganelago navo khu sipimaniso?”

Matewu 16:17

Jesu a di mu hakha, khuye, “U kategide, Simoni, mwamana wa Jona, kholu isoso khandri u di tiviswa khu muthu; aholu, u di tiviswa khu Babe wangu a guromo Ndzadzini.

Matewu 19:11

Jesu a di va hakha, khuye: “Khandri vatshavbo va ma hakhago gwadi mahungu yaya; ma gu hakhwa basi khu vale va gu ni giningwa gyogyo.

Matewu 20:23

Jesu a di khuye: “Ina khu lisine mu na selani gikombe gyangu; aholu gu khala nyamudye gwangu mwendro nyambade gwangu, kha si tidwi kheni; isoso sa gu lumba vale va dongisedwego khu Babe wangu.”

Marko 10:40

aholu, gu khala nyamudye mwendro nyambade gwangu kha si tidwi kheni; iso sa gu lumba vale va dongisedwego.”

Marko 4:11

A di va hakha, khuye: Ga enu, mu ngu tiviswa misihalo nya Mufumo waye, gasi vale va guromo khu vbavbandze, satshavbo silo sesi, va gu embedwa khu sipimaniso,

Luka 8:10

Jesu a di va hakha, khuye: “Ga enu, Nungungulu a ngu tivisa misihalo nya mufumo waye; gasi ga vambe, a gu ganela khu sipimaniso, gufela gukhuye va ronoge, aholu va si woni; vapwe aholu va si si pimi.

Johane 6:65

A di engedza gambe, khuye: “Khu kharato nyi ngu mi embelani, kheni: Mwalo atago gwangu a gumba ningwa khu Babe wangu.”

Johane 7:17

Uye a vbwetago gu gira gugola gwa Nungungulu a na dzi wudzisa gukhuye gihevbudzo gyangu gya guta khu ga Nungungulu, mwendro nya gu gi khugela.

Mithumo 16:14

Nyamayi moyo nya gupwani khu Lidhiya, murengisi nya myendra nya siwunguwungu, wa dhoropani ga Tiyatira, a nga bani ari ni githawo ga Nungungulu, a di hi yingisa. Pfhumu a di tula monyo waye afela gu hakha magana ya Pawulo.

Varoma 11:25

Vandruye, kha nyi vbweti gukheni mu hangwe khu sihalo yoyu, gasi mu si dzi randri va nya guti. Guganedza ga vathu va na Israyeli kha gu na pindruga gikhati nya gulaphe, aholu gu na simama kala mayigo yatshavbo ma vbindrugedza ma khodwa ga Nungungulu.

Varoma 16:25

A na rungudzwe Nungungulu! Khuye a dzi kodzago gu mi tiyisela gukhodwani, kha nga edzi yi hevbudzago khidzo Ivhangeli nyi mi tivisidego, ni mahungu ya Jesu Kristo, khu esi hi nga tuledwa gu siti khu mahungu nya guvbanyise ga Nungungulu. Sihalo wu nga bani wu sihade gukhugela myaga yatshavbo,

1 Vakorinto 13:2

Ambari nyiri ni giningwa nya gutshumayele mahungu ya Nungungulu, ni guti satshavbo, ni gupima misihalo yatshavbo, ni gukhodwa gwatshavbo nya gu dzi kodze gu sigula sigomo, nyambana lihaladzo, kha nyiri wa gilo.

1 Vakorinto 15:51

Nya guvbweta gu mi tulela sihalo: Khandri ethu hatshavbo hi nafago, aholu hatshavbo hi na vbindrugedza giemo,

1 Vakorinto 2:14

Oyu a tumbago wugengeli waye, kha dzumeli gu hakha mahungu a tiviswago khu Liphuvbo la Nungungulu, a gu mapwa kha nga silo nya wupumbu. Kha dzi kodzi gu si pima, kholu mwalo a si pimago a gumba wenengedzwa khu Liphuvbo.

1 Vakorinto 2:7

gasi enu, ha gu mi tivisani misihalo nya guti gwa Nungungulu, gu nga bani gu sihidwe khu gale; guti gule Nungungulu a gu vegisidego gukhugela guhegulani, gasi gu khala wuzundzo wathu.

1 Vakorinto 4:1

Gu vbwetega vathu va hi wone kha nga sithumi sa Kristo hi ningidwego thumo nya gutivise ni gu sayisa misihalo ya Nungungulu.

1 Vakorinto 4:7

Kholu, khu mani a nga gu ninga gu khala khongolo ga vakwanu? Iso u gu naso khandri u di ningwa, gani? Khu ginani u dzi gugumugisago gukhwatshi esi u gu naso khandri u di ningwa khu Nungungulu.

Vaefeso 1:18

Nya gu lomba gukheni a wenengedze mapimo yanu, gasi mu pime gutumba muni mu ranedwago, muti gutala nya dzithomba a dzi vegisedego afela guya ninga va nya guaga;

Vaefeso 1:9

A hi tulede guti sihalo nya gikungo nya guhaladze gwaye khu ga Kristo, kha nga edzi a nga bani a vegiside khidzo khu gale,

Vaefeso 5:32

Oyu sihalo khongolo ngudzu, nya gu ganela khu mahungu ya Kristo ni libandla laye.

Vaefeso 6:19

Nyi lombeleleni neni, gasi Nungungulu a nyi ninge magana nya guenele gikhati nyi tivisago Mahungu nya Yadi.

Vakolosi 2:2

Nya gu thumela gukheni va mane gutiya monyoni ni gukheni va dzipwe na va patane khu lihaladzo, na va fumide khu guti sihalo nya gikungo gya Nungungulu. Sihalo yoyu khu Kristo,

1 Thimoti 3:16

Sihalo nya gukhodwe hi ganelago khuwo, khu lisine, khongolo: “Uye a di dzi gira muthu, a wonwa na lulamide khu Liphuvbo la Nungungulu a wonwa khu dzingilozi dza Nungungulu, a huweledwa ga va nya mayigo, a hakhwa mafuni gwatshavbo, va khodwa gwaye mafuni a dhumiswa khu Nungungulu.”

1 Thimoti 3:9

gu vbwetega va vbanye sihalo nya gukhodwe khu mapimo nya lisine.

Jakobe 1:5

A gu bani a romo moyo wanu a keneledwago khu guti, a na gu lombe ga Nungungulu a ningago khu wuhindzi ga vatshavbo nyamba sola, a na ningwa.

1 Johane 2:20

Aholu, enu mu todzidwe Liphuvbo la wule a Agidego. Khu guralo, mwatshavbo mu ngu siti satshavbo.

1 Johane 2:27

Aholu gutodzwa mu gu hakhidego khu gwaye, kha gu vbwetegi muthu nya gu mi hevbudzeni; kholu gu ngu mu hevbudza silo satshavbo. Sihevbudzo saye khandri sa malipha, aholu khya lisine. Khu guralo, yingelani sihevbudzo a mi hevbudzidego, mu pharisa guhengela naye.