Matewu 12:41 - Bhibhiliya Nya Guage

⁴¹ Khu litshigu nya gulamudwe Vaninivha va nata ema gumogo ni mela yoyu, va wu wugela, va wu ninga nandru, kholu avo va dzi vbindrugedzide gikhati va nga tshumayedwago khu Jona. Avba womo uye a gu khongolo guvbindra Jona!

Matewu 12:41 Iomraidhean Croise

Isaya 54:17

Matshari yatshavbo ma giridwego gasi gu gu sasela, kha ma na gu gira gilo; ni watshavbo uye a vbwetago gu gu lumbedza malipha, uwe u na mu kona; eyi khiyo thomba ya sithumi sa Pfhumu Nungungulu, ni gululama gwawe gwa guta khiyo gwangu; a ngu ganela Pfhumu Nungungulu.

Jeremiya 3:11

Aholu Pfhumu Nungungulu a di nyi embela, khuye: “Israyeli ambari a ngamba tumbega, nandru waye wu vbevbugide guvbindra wa Judha a nga nyi kanganyisa.”

Jona 1:2

“Khuga u hongole ga lidhoropa nya likhongolo la Ninivha, u ya li kawuka, kholu guvivba gwaye gu litide kala eno gwangu.”

Jona 3:4

Jona a di bela dhoropani a gimbila litshigu rumba a huwelela, khuye: “Gu nga tshade gipimo nya magumana matshigu, Ninivha gu na pfhungumudwa.”

Matewu 12:39

Uye a di va hakha, khuye: “Mela nya vathu nya guvivbedwe khu monyo ni wuphuphulu mwa guvbweta giwoniso; gimwalo gimbe giwoniso mu na gu ningwago, vbavbandze nya giwoniso gya muprofeti Jona.

Matewu 12:42

Pfhumugadzi ya Marandzi yi na wugela mela yoyu, yi wu ninga nandru. Kholu yi dzude khu mahegiso nya litigo, gasi guta pwa guti ga Solomoni. Avba womo uye a gu khongolo guvbindra Solomoni!

Matewu 12:45

la gu dzega mambe livbandre na mavili maphuvbo nya guvivbe guvbindra ilo, mata bela nyumbani momo ma khala yatshavbo. Khavbo avbo, mavbanyelo nya muthu yoyo ma gu nyenyeza guvbindra idzo a nga bani a romo khidzo guhegulani. Khiso esi si na dugelelago mela yoyu nya guvivbedwe khu monyo.”

Matewu 12:6

Nyi ngu mu embelani nya gukheni avba womo uye a gu khongolo guvbindra Nyumba ya Nungungulu.

Matewu 16:4

Mela yoyu nya vathu nya guvivbedwe khu monyo, va si khodwigo, wa gu lomba giyeyedzo! Aholu kha va na ningwa gimbe giyeyedzo vbavbandze nya giyeyedzo gya Jona.” Khavbo avbo, a di va ditsha a khuga a gu hongola.

Matewu 17:17

Jesu a di khuye: “Mela nya vathu nyamba khodwa, mu si gitigo nigyo mu girago! Nyi na khala nanu kala lini? Nyi na mi timiselani kala lini? Mu reseni eno gwangu.”

Matewu 23:36

Khu lisine nyi ngu mi embelani nya gukheni khu kota nya silo sesi satshavbo gu nata tsayiso ga mela yoyu!

Luka 11:32

Litshigu lolo vathu va Ninivha va na wugela mela yoyu, va wu ninga nandru, kholu va dzi sodziside gikhati va nga tshumayedwago khu Jona. Avba womo uye a gu khongolo guvbindra Jona.

Johane 3:31

Uye atago khu vbatshani khusegide vbatshani guvbindra vatshavbo; gasi uye a gu wa mafuni a gu lumba mafu, gambe a gu ganela khu silo sa mafuni. Oyu atago khu Ndzadzini,

Johane 4:12

Ina kamwe uwe u khongolo guvbindra babe wathu Jakobe, a nga hi ningago nambo yoyu, a gu umo a nga bani a gu rega nuye mati, a sela gumogo ni sanana ni sifuyo saye, gani?”

Varoma 2:27

Wule a sa hanago wugwera mugivilini gwaye, aholu a landrisago Nayo, a na khala mulamuli wago uwe u wutigo Nayo nya gulowe gambe u hanidego wugwera, aholu u yeyisago Nayo.

Vahebheru 11:7

Khu gukhodwa, Nowa pwide sitiviso sa Nungungulu nya esi si nga hadza gu dugelela, a nga bani a si kodzi gu si wona. Nowa a di yingela Nungungulu a gu gira ngalava, a bela umo uye ni ngamo yaye, a gu vbanyiswa. Khu guralo, a di kona litigo, a gu hakha ga Nungungulu wuzundzo nya gukhodwe.