Matewu 12:39 - Bhibhiliya Nya Guage

³⁹ Uye a di va hakha, khuye: “Mela nya vathu nya guvivbedwe khu monyo ni wuphuphulu mwa guvbweta giwoniso; gimwalo gimbe giwoniso mu na gu ningwago, vbavbandze nya giwoniso gya muprofeti Jona.

Matewu 12:39 Iomraidhean Croise

2 Dzipfhumu 14:25

Uye nuye a di wusedza mivbingano ya Israyeli, gukhugela nyangwani nya ndzila nya guhongole dhoropani ga Hamati, kala phwani ga Arabha, kha nga idzo Pfhumu Nungungulu wa Israyeli a nga bani a ganede khidzo khu magana ya githumi gyaye Jona, mwamana wa muprofeti Amitayi, givelegwa gya Gati-Heteri.

Isaya 57:3

Aholu hidzimelani avba, enu sanana nya valoyi, enu livelego nya sibhayi ni maphuphulu.

Jona 1:1

Gu dita lito khu ga Pfhumu Nungungulu a embela Jona, mwamana wa Amitayi, khuye:

Matewu 16:4

Mela yoyu nya vathu nya guvivbedwe khu monyo, va si khodwigo, wa gu lomba giyeyedzo! Aholu kha va na ningwa gimbe giyeyedzo vbavbandze nya giyeyedzo gya Jona.” Khavbo avbo, a di va ditsha a khuga a gu hongola.

Marko 8:12

Jesu a di tala khu gugaradzega hefemuloni gwaye, a ganela, khuye: “Khu ginani mela yoyu wu lombago giliwugiso? Khu lisine nyi ngu ganela gukheni, vathu nya melego yoyu, gimwalo ne giliwugiso gimwegyo va na ningwago.”

Marko 8:38

Kholu oyu a khalago dzitshoni khu eni ni magana yangu vbakari nya melego yoyu nya vathu nya sibhayi ni sighohi, Mwamana wa Muthu a na mu khalela nuye dzitshoni litshigu a na wuyago na tade khu wudhumo wa Babe waye, vbakari nya dzingilozi nya guage.”

Jakobe 4:4

Vathu nyamba khodwa! Ina kha mu dziti nya gukhenu wa gu khala pari nya mafu, wa gu dzigira nala wa Nungungulu, gani? Oyu a vbwetago gu khala pari nya litigo, a gu khala nala wa Nungungulu.