Matewu 12:34 - Bhibhiliya Nya Guage

³⁴ Enu livelego nya dzinyoga, mu na dzi kodza kharini gu ganela silo nya sadi, olu mu vivbedwego khu myonyo? Kholu likana la gu dusa iso si tadego monyoni.

Matewu 12:34 Iomraidhean Croise

Dzindzimo 53:1

Muthu nya giphuguphugu a gu ganela khu monyoni gwaye, khuye: “Mwalo Nungungulu.” Va dzi nyenyeziside khu gu gira guvivba; mwalo na moyo wawe a girago nya sadi.

Dzindzimo 64:3

Va gu lodza lidimi gu fanana ni litshari va khwandra magana nya guvivbe kha nga siholoma,

Dzindzimo 64:5

Va dzi yisa makungoni nya guvivbe; va gira khu mugusihalani gikungo nya gudembe milaphwi; khavo: “Khu mani a na si wonago?”

Mavingu 16:23

Muthu nya mapimo a gu ganela khu wugengeli, magana yaye ma gu tulela vathu va khodwa.

Mavingu 4:23

Guvbindra silo satshavbo, vegedza monyo wago, kholu khumo gu guromo guvbanya gwago.

Isaya 32:6

Kholu gipumbu gya gu ganela wupumbu. Ni monyo waye wa gu pimisa basi gu gira silo nya guvivbe ni wughevenga. A gu ganela guvivba a wugela Phumu Nungungulu, a mu liphela. Kha khathali khu gu ninga guhodza vandzale, ni gu ninga mati nya gusele ga wule apwago lidora.

Isaya 59:14

Kholu nayo wu thavide, ni gululama gu hidzimede hwindzo; lisine li thegede mitendrelani, ni gululama kha gu dzi kodzi gubela umo.

Isaya 59:4

Mwalo a ganelago gululama, mwa gu lamudwa mwalo a ganelago lisine, mwa gu dzi emisela ga iso nyamba sadi mu ganela malipha. Mwa gu khura mimba khu wuvivbi mu velega gighoho.

Isaya 9:17

Khu guralo, Pfhumu kha na nengedziswa khu madzaha yawe, ambari gu pwela gisiro dzikhulungu ni dzinoni dzawe, kholu vatshavbo vakanganyisi ni sighohi, magana yawe yatshavbo ma gu ganela wupumbu. Khu satshavbo sesi, likhulo laye kha li bosi, ni libogo laye li nga thawulugide.

Matewu 12:35

Muthu nya wadi a gu dusa silo nya sadi sa thombani gwaye nya yadi; gasi uye a vivbidego, a gu dusa silo nya guvivbe sa thombani gwaye nya guvivbe.

Matewu 15:18

Gasi gyatshavbo igyo gi dugago khu kanani gya guta khu monyoni; egi khigyo gi nyenyezisago muthu.

Matewu 23:33

Enu livelego nya dzinyoga! Mu na vbulugisa gu wani gu rinywa phalani nya nilo?

Matewu 3:7

Aholu, na wonide nya gukhuye Vasadhusi nya vangi ni Vafarisi va di guta navo gasi guta bhapatiswa khuye, a di va embela, khuye: “Enu livelego nya dzinyoga! Khu mani a nga mi ruma gu thava likhulo litago?

Luka 3:7

Johane a di embela vathu va nga bani va mu yela, gasi guya bhapatiswa, khuye: “Enu livelego nya dzinyoga, khu mani a nga mi layani gu thava tsayiso nya khongolo wu vbwetago gu vboha?

Luka 6:45

Muthu nya wadi a gu dusa khu monyoni gwaye nya guhandzege silo nya sadi; gasi uye a si gu wadi a gu dusa khu monyoni gwaye nya guvivbe silo nyamba sadi; kholu likana la gu dusa iso si tadego monyoni.

Johane 8:44

Babe wanu khu Sathane, khu kharato mwa vbweta gu gira guhaladza gwaye. Uye gighevenga gukhugela guhegulani, gima a si gu emeli lisine, kholu gwaye limwalo lisine. A gu lipha khu gu landra tumbunugo nya makhalelo yaye, kholu uye muliphi gambe babe nya malipha.

Vaefeso 4:29

Mu nga ganeli magana nya guvivbe, ganelani basi magana nya yadi, nya guphasedzele ava va mapwago.

Vaefeso 5:4

Khidzosaye gambe ni magana nya guvivbe, nya guhandruge ni gunyenyeza kholu kha si yeli. Wulanga nya isoso, thumisani magana nya gubonge Nungungulu.

Jakobe 3:2

Kholu ethu hatshavbo hi ngu hosisa. Oyu nyamba hosisa guganelani gwaye muthu a vbeledego, a na ni tshivba nya gu dzi phare wurumba waye.

1 Johane 3:10

Ogu khugo guhambana nya lisine nya sanana sa Nungungulu ni sanana sa Sathane. Oyu a si girigo esi nya gululame, ni gumba haladza ndriyaye, khandri gyanana gya Nungungulu.

1 Samuweli 24:13

Kha nga ma ganelago mavingu ya vagale, gukhayo: Khu kanani ga va nya guvivbedwa khu monyo gwa gu duga guvivba; khu guralo, gyandza gyangu gima kha gi na gu kuha.