Matewu 12:30 - Bhibhiliya Nya Guage

³⁰ Uye a si emigo ni eni a ngu nyi wugela; uye a si hengeligo ni eni a ngu phalalegisa.

Matewu 12:30 Iomraidhean Croise

Genesi 49:10

Ndronga nya wufumu kha ya na duga ga Judha, guruma kha gu na duga ga situgulwana saye, kala a gu vboha uye a fanelago gu ruma; oyu mayigo yatshavbo ma na mu yingelago.

Dzindzimo 94:16

Khu mani a na khugago a nyi emela ga va nya guvivba ni sighevenga? Ni gu nyi phasa mandzani ga sighohi?

Mavingu 11:24

Muthu a ningago khu wuhindzi nya wungi, a gu wona thomba yaye na yi gu engedzelana, aholu uye a girago ligungo guvbindra muthu nya gululame, a na vbeledwa khiso.

Matewu 12:29

Nga nyi embelani: Gu kodzega kharini gu muthu aya bela ndrangani nya ndrena a gu yi phanga silo saye satshavbo, nyamba phela khu gu yi hunga? Hwane nya gu bani a yi hungide, khavbo a dzi kodzago gu yi phanga ndranga yaye yatshavbo.

Matewu 6:24

“Mwalo a dzi kodzago gu thumela dzipfhumu dzimbili. Kholu a na zondra mweyo a gola yimbe; mwendro saye gu girela ndruda mweyo a gu nyenya yimbe. Kha mu dzi kodzi gu thumela Nungungulu ni dzithomba.

Marko 9:40

Kholu oyu a si hi wugeligo khwana gyathu.

Luka 11:23

Uye a si emigo ni eni a ngu nyi wugela, ni uye a si hengeledzeligo ni eni a ngu phalalegisa.

Luka 9:50

Aholu Jesu a di khuye: “Mu nga mu himbedzeli, kholu uye a si mi wugeligo khwana gyanu.”

Johane 11:52

Nasiri gufela litigo nya Vajudha basi, aholu gufela gambe gutshanganisa sanana sa Nungungulu si phalalegidego.

Josuwa 24:15

Aholu mwa gu si wona siri sadi gu khozela Pfhumu Nungungulu, hathani muhuno khu mani mu yelago gu mu thumela: Vanungungulu va nga khozedwa khu vababe vanu na vari khisikheyi nya tsongo wa Ewufrate, mwendro vanungungulu va Vaamori mu vbanyago tigoni gwawe. Gasi eni ni ndranga yangu hi na khozela Pfhumu Nungungulu.

Josuwa 5:13

Josuwa nari vbafuvbi ni Jeriko, na khuside maho a di wona mwama moyo na emide mbeli gwaye, na pharide litshari mandzani. Josuwa a di hidzimela gwaye aya mu wudzisa, khuye: “U moyo wathu, mwendro moyo ya valala vathu, gani?”

1 Johane 2:19

Khu lisine, avo va dugide gwathu; kholu khandri va tsawa wathu. Nari pwani va diri va tsawa wathu, na va khade ni ethu. Aholu, avo va dugide, va gu yeyedza kharato lisine nya gupwani kha va lumbi tsawa wathu.