Matewu 12:27 - Bhibhiliya Nya Guage

²⁷ Nya gu bani nyi tutumisa maphuvbo nya guvivbe khu tshivba ya Bhelizebhu, ahati sanana sanu sa gu ma tutumisa khu tshivba ya mani? Khu kharato, avo va na bani vari valamuli vanu.

Matewu 12:27 Iomraidhean Croise

Matewu 10:25

Gu enede ga mupizane a gu dzi kodza gu fanana ni muhevbudzi waye, ni githumi gu godza mune waye. Ambari nya gukhuwe khu mune ndranga va nga mu vala khavo khuye Bhelizebhu, va na khavo ginani khu ngamo yaye?

Matewu 4:24

Ndruma yaye yi di phalalega ni Siriya gwatshavbo. Va di mu resela vatshavbo avo va nga bani vari ni madwali ni dzingumbe nya dzingi ni simbe sigaradzo; avo va nga bani vari ni maphuvbo nya guvivbe, va nya guhandruga ni va nya sitshira, ni sikhurubwa. A di va hawulugisa vatshavbo.

Matewu 9:34

Aholu, vafarisi va di khavo: “Uye a gu tutumisa maphuvbo nya guvivbe khu tshivba ya khongolo nya maphuvbo nya guvivbe.”

Luka 11:19

Nya gu bani nyi tutumisa maphuvbo nya guvivbe khu tshivba ya Bhelizebhu, ahati sanana sanu sa gu ma tutumisa khu tshivba ya mani? Khu kharato, sanana sanu si na khala valamuli vanu.

Luka 19:22

Mufumeli wule a di mu hakha, khuye: ‘Githumi nya guvivbedwe khu monyo, nyi ngu gu kona khu magana yago. Gwadigo u di gu dziti nya gukhuwe nyi mwama nya wurena, nyi dzegago umo nyi ngamba vega ni gu vbwera umo nyi ngamba yala,

Varoma 3:19

Ethu hi ngu dziti nya gukhethu satshavbo esi si rumwago khu Nayo sa gu lumba basi avo va fumedwago khu nayo yoyo, gasi gu degudza magana yatshavbo, ni gu litigo latshavbo li dzipwe liri ni nandru mbeli gwa Nungungulu.