Matewu 12:14 - Bhibhiliya Nya Guage

¹⁴ Vafarisi, na va dugide khu vbale, va di ya hunga gikungo nya gu mu songe.

Matewu 12:14 Iomraidhean Croise

Matewu 26:4

Avbovbo, va di hevbula mano nya gumole khayo Jesu va mu songa.

Matewu 27:1

Na gugide, vaphasi vatshavbo nya vakhongolo ni madhota va di gira tshangano nya guvbwete lipindru nya gusonge Jesu.

Marko 14:1

Na gu tshade matshigu mavili gasi gu hodza buzo nya Phasika, ni oyu nya sibaba nyambana mela, vakhongolo nya vaphasi nya mhamba ni vahevbudzi nya Nayo va di vbweta lipindru nya gumole Jesu khu gisihaledza va mu songa.

Marko 3:6

Vafarisi va di duga vaya tshangana ni avo nya tsawa wa Herodhi va gu luga mano nya gu mu gusonge khayo.

Luka 22:2

Vakhongolo nya vaphasi nya mhamba ni vahevbudzi nya Nayo va di vbweta lipindru nya gusonge Jesu, aholu va di gu thava gidzemo.

Luka 6:11

Avo va di tala khu giviti, na va gu wudzisana khu gyawe, khavo: “Ginani hi na gu girago khu Jesu?”

Johane 10:31

Khavbo avbo, Vajudha va di rola gambe siwindri, gasi gu mu pfara khiso.

Johane 10:39

Khavbo avbo, va di vbweta gu mu mola, gasi uye a di vbuluga mandzani gwawe.

Johane 11:53

Gukhugela litshigu lolo, va di hunga gikungo nya gusonge Jesu.

Johane 11:57

Vakhongolo nya vaphasi nya mhamba ni Vafarisi va di vegide nayo nya gukhavo uye a gutigo avbo a guromo a na tivise, gasi aya modwa.

Johane 5:18

Gukhugela avbovbo, Vajudha va di engedzela likhulo lawe ga Jesu, va vbweta mano nya gu mu songe, nasiri basi khu guyeyisa Sabhadho, aholu khu lito a nga ganelago nya gukhuye Nungungulu Babe waye, a dzi fananisa Naye.

Johane 7:30

Khavbo avbo, va di vbweta gu mu mola, aholu mwalo a nga mu khuhago, kholu gikhati gyaye gi di si gu vbohi.

Johane 7:32

Vafarisi va dipwa gu ganedzisana nya gidzemo khu kotani ya Jesu; vakhongolo nya vaphasi nya mhamba ni Vafarisi va di rumela dzindruna gasi guya mu mola.

Johane 7:44

Vambe va di vbweta gu mu mola, aholu mwalo a nga mu khuhago.

Johane 8:59

Khavbo avbo, va di rola siwindri gasi gu mu rinyela, aholu Jesu a di sihala, a gu duga Nyumbani ya Nungungulu.