Matewu 12:12 - Bhibhiliya Nya Guage

¹² Ina muthu kha phasi guvbindra nvuta, gani? Khu kharato, yomo fanelo nya gugire ogu gu gu gwadi khu Sabhadho.”

Matewu 12:12 Iomraidhean Croise

Matewu 10:31

Khu kharato, mu nga thavi gilo kholu mu ngu phasa ngudzu guvbindra sinyoni nya singi.

Matewu 6:26

Nga wonani sinyoni sa damboni. Kha si yali, kha si vbweri, gambe kha si hengeledzeli gilo sisangalani. Aholu, Babe wanu a guromo Ndzadzini a ngu si hodzisa. Ina enu kha mu vbindri sinyoni, gani?

Marko 3:4

A di va wudzisa, khuye: “Ina gu ngu dzumedziswa khu litshigu nya Sabhadho gu gira silo nya sadi mwendro nya guvivbe, gani? Gu vbanyisa muthu, mwendro gu mu songa?” Aholu avo va di degula, basi.

Luka 12:24

Nga wonani vamahigonganye. Kha va yali, kha va vbweri, va mwalo githunga, mwendro saye gisangala, ambari ulo, Nungungulu a ngu va hodzisa. Ina uye Nungungulu a na divaledwa khu enu mu gu ni giphaso guvbindra sinyoni, gani?

Luka 14:1

Tshigu mwedo nya Sabhadho, na bede ndrangani ga moyo nya khongolo nya Vafarisi, gasi guya hodza. Vatshavbo va di khusa maho va mu khedza esi a girago.

Luka 6:9

Khavbo avbo, Jesu a di khuye: “Olu nya guvbweta gu mi wudzisani: Ginani gi yelago gu girwa khu Sabhadho: Gu gira nya sadi, mwendro nyamba sadi? Guvbanyisa muthu, mwendro gu mu mbembisa?”