Matewu 11:5 - Bhibhiliya Nya Guage

⁵ Sikhumu si ngu wona, sikhurubwa si ngu gimbila, va nya sokono va ngu agiswa, sivbwiri si ngu pwa, vafi va ngu wuga, Mahungu nya Yadi ma ngu hevbudzwa sisiwana.

Matewu 11:5 Iomraidhean Croise

2 Dzipfhumu 5:14

Khavbo avbo, a di relela aya dzi nega livbandre na dzimbili dzinyondro tsongoni wa Joridhani, kha nga guganela ga muthu wa Nungungulu; ni nyama yaye yi di vbindrugedza, yi khala kha nga nyama nya gyanana, uye a di hawulugiswa a aga.

2 Dzipfhumu 5:7

Avbo mufumeli wa Israyeli, a nga hevbulago lidangalila leli, a di pferula dzingandzu dzaye, a ganela, khuye: “Gasi eni nyo va Nungungulu nya gusonge ni guvbanyisa, nya gukala uye a nyi rumela mwama yoyu gukhuye nyi na mu vbanyise sokono yaye, gani? Wonani nya gukhenu a gu vbweta mano nya gu nyi dwanise.”

Dzindzimo 146:8

Pfhumu Nungungulu a ngu tula maho sikhumu, a gu wusa avo va vbelago tshivba; Uye a ngu gola vale va lulamidego.

Dzindzimo 22:26

Sisiwana si na hodza si khura; avo va vbwetago Pfhumu Nungungulu, va na mu rungudza. Myonyo yawe yi na vbanye kala gupindruga.

Ekisodha 4:11

Pfhumu Nungungulu a di mu hakha, khuye: “Gasi khu mani a nga ningago muthu likana. Mwendro khu mani a nga gira gidudu mwendro givbwiri oyu nya guwone mwendro oyu nya gikhumu? Ina khandri Eni Pfhumu Nungungulu, gani?

Isaya 29:18

Khu litshigu lolo, sivbwiri si napwa mahungu nya libhuku, ni maho nya sikhumu ma guromo gusivbalani nya gidema, ma na wona.

Isaya 29:19

Va nya gurula va na mana gunengela ga Pfhumu Nungungulu, sisiwana ni vahamugi vbakari nya vathu, va na nengela va ghiya ga Nyaguage wa Israyeli.

Isaya 43:8

Wuyisani vathu va gu ni maho, aholu na vari sikhumu, ni avo va gu ni dzindzeve, aholu na vari sivbwiri.

Isaya 66:2

Kholu mandza yangu, khayo ma giridego silo satshavbo sesi, ni silo satshavbo sesi si di girega; a ngu ganela Pfhumu Nungungulu, aholu nyi na khedza uye a dzi thesago vbavbatshi: Wule a gu ni monyo wu khuvegidego, sisiwana ni vale va ndrendremelago khu gupwa magana yangu.

Zakariya 11:7

Eni nyi khade muhavisi nya tshambi wu yiswago gusongwatunu, dzinvuta nya sisiwana nya tshambi; eni nyi di phara mapitso mavili: Limwedo nyi di li rana, kheni: “Wuhindzi” ilo nya wuvili kheni “Pwanano.” Nyi simama gu khala muhavisi nya tshambi.

Matewu 10:8

Hawulugisani vadwali, wusani va nya gufa; agisani va nya sokono ni gu tutumisa maphuvbo nya guvivbe. Mu ningidwe mahala; ningelani nenu mahala.

Matewu 11:4

Jesu a di va hakha, khuye: “Indrani muya tivisa Johane iso mu nga si pwago ni gu si wona:

Matewu 12:13

Khavbo avbo, a di embela muthu wule, khuye: “Thawuludza gyandza gyago.” A di gi thawuludza, gi hawuluga, gi fanana ni gimbe.

Matewu 21:14

Ndrani mule nya Nyumba ya Nungungulu a di tedwa khu sikhumu ni sikhurubwa, a gu si vbanyisa.

Matewu 5:3

“Si kategide sisiwana liphuvboni, kholu khwawe Mufumo wa Ndzadzini.

Matewu 9:30

Khu kharato, maho yawe ma di tulega. Jesu a di va laya, khuye: “Gwadi gwadi, mu nga embelini muthu.”

Marko 7:37

Vatshavbo va di liwuga ngudzu va gu ganela, khavo: “Satshavbo a ngu gira gwadi: A ngu tula dzindzeve sivbwiri, ni gu tulela gu ganela sidudu.”

Marko 9:25

Jesu, na wonide gukhuye va ngu vboha vathu nya vangi a di kawuka liphuvbo nya guvivbe, khuye: “Uwe liphuvbo nya givbwiri ni wududu, nyi ngu gu ruma: Duga ga gikhwathana gegi, u nga wuyi gambe uta bela gwaye.”

Luka 4:18

“Liphuvbo la Pfhumu li nyi tshigede, kholu li nyi phasede gasi guya hevbudza sisiwana Mahungu nya Yadi; li nyi rumede guya tivisa dzikhumbi gutshulega gwawe, guya tivisa sikhumu guwoniswa gwawe, ni ga vasaniseki gutshulega gwawe;

Johane 10:25

Jesu a di khuye: “Nyi mi embedeni, aholu kha mu khodwi. Mithumo nyi girago khu lina la Babe wangu khiyo yi nyi fakazelago.

Johane 10:38

“Aholu, nya gu yi gira, ambari mu si khodwi gwangu, khodwani khu mithumo yangu, gasi mu dzitini ni gukhodwa gukhenu Babe a na ni eni, eni neni nyi na ni Babe.”

Johane 2:23

Gikhati gile nya Phasika a nga bani a romo Jerusalema, vathu nya vangi va di khodwa khu lina laye khu kotani nya siliwugiso a nga bani a gu gira.

Johane 3:2

A di hongola ga Jesu ni vbakari nya wutshigu, aya, khuye: “Rabi, hi ngu dziti nya gukhethu u dzude khu ga Nungungulu kha nga Muhevbudzi, kholu mwalo a kodzago gu gira siliwugiso nya nga iso u girago, a gu bani ari mwalo tshivbani ya Nungungulu.”

Johane 5:36

Gasi eni nyi na ni wufakazi nya guvbindre wa Johane, kholu mithumo nyi ningidwego gu gira khu Babe, yi ngu fakaza gu khiyo Babe a nyi rumede.

Johane 9:7

a gu gi embela, khuye: “Indra hamba lidhamuni ga Silowe” (gutshamusago pwani “Girumwa.”) Gikhumu gi di hongola giya hamba, gi wuya na gi gu wona.

Mithumo 2:22

“Vama va na Israyeli, yingisani gwadi magana yaya. Jesu wa Nazareta dandrisidwe vbakari gwanu khu mithumo ya tshivba, ni siliwugiso, ni siwonegiso esi Nungungulu a giridego khu uye vbakari gwanu, kha nga mu dzitigo gwadi.

Jakobe 2:5

Yingisani gwadi, vandriyangu nya sigodwa, ina Nungungulu kha hatha sisiwana sa mafuni momu a si gira sitetema nya gukhodwe, si khala vahodzi nya thomba nya wufumu a nga tumbisago ga vale va mu golago, gani?