Matewu 10:42 - Bhibhiliya Nya Guage

⁴² Uye a ningago khokho nya mati nya gudzidzile ga moyo nya vapizane vangu nya gusolege, khu gu muti nya gukhuye mupizane wangu, khu lisine nyi ngu mi embelani, kha na dzimeledwa khu tshatshazelo.”

Matewu 10:42 Iomraidhean Croise

1 Dzipfhumu 17:11

Na nga gu hongola aya rega mati, muprofeti a di mu rana a mu embela, khuye: “Gira wuhindzi u nyi resela gambe ni gipandre nya gibaba khu mandzani gwago.”

2 Dzipfhumu 4:10

Hongole hi mu girele ginyumbana nya gitezi vbandzaritunu, hi vega umomo lidawu, meza, gikhalo ni kandriya; avbo a hi endrelago, a nata lala momo.”

Mavingu 19:17

Uye a phasago gisiwana a gu fiyarisa Pfhumu Nungungulu, Uye a na mu bweledzela wuwadi waye.

Mavingu 24:14

Dziti nya gukhuwe guti gu na gira nga wulombe guvbanyani gwago, wa gu gu mana, khu na kanakana khiso si na gu dugelago khu matshigu ma nga gutago, ni gitumbo gyago, gi na bani nari gya lisine.

Muhevbudzi 11:1

Rinya guhodza gwago vbatshani nya mati; kholu khu hwane nya matshigu nya gutale u na bwelo khavbo u gu mana nyaluphye.

Zakariya 13:7

Uwe litshari, khuga u wugela Muhavisi wangu, ni gu wugela mwama a gu mubangaladzi wangu, a ngu ganela Pfhumu Nungungulu nya Tshivba Yatshavbo. Bayisa Muhavisi dzi fela gu phalalega dzinvuta, Eni nyi na thawuludza libogo nyi phasedzela avo nya vadugwane.

Matewu 18:10

Dzi woneleni, mu nga nyenyini sanana sesi, ne gimwegyo, kholu nyi ngu mi embelani, kheni: Dzingilozi dzawe khu Ndzadzini gikhati gyatshavbo dza gu wona khovbe ya Babe wangu a guromo Ndzadzini.

Matewu 18:14

Kharati nuye Babe wanu a guromo Ndzadzini kha vbweti gukhuye ni gimwegyo nya sanana sesi gi dzimele.

Matewu 25:40

Mufumeli a na va hakha, khuye: ‘Khu lisine nyi ngu mi embelani, kheni: Dzinyondro dzatshavbo mu nga bani mu gira kharato ga moyo nya vandriyangu nya gusolege, kheni mu nga bani mu nyi girela.’

Luka 17:2

Gudiri tshukwana a hungwe thamoni giwindri nya gikhongolo nya gitshindro, a rinywe nondrwani, guvbindra gu khunguvanyisa gimwegyo basi nya sanana sesi.

Luka 6:35

Gasi enu, golani valala vanu, girani esi si gu sadi; lombisani, na mu si lindreli gu livbwa. Mwa gu gira kharato, tshatshazelo yanu yi na bani yiri yikhongolo. Gambe, mu na bani muri sanana sa Wule a khusegidego ngudzu, kholu uye khwadi ambari ga vale va si gu vadi, va si mu bongigo.

2 Vakorinto 8:12

Kholu muthu a gu nigela khu ligolo, satshavbo esi a na ningelago si na hakhwa khu matsenya, na siri egi muthu a gu mwalo nagyo.

Vahebheru 6:10

Nungungulu khwadi, kha divaledwi khu thumo mu wu giridego enu, ni lihaladzo mu li yeyedzidego, ni giphaso mu giridego ni olu mu nga gu girago ga vandriyanu nya vakristo.