Matewu 10:24 - Bhibhiliya Nya Guage

²⁴ “Mupizane kha vbindri muhevbudzi waye, ni githumi kha gi vbindri mune waye.

Matewu 10:24 Iomraidhean Croise

2 Samuweli 11:11

Uriya a di mu hakha khuye, Ngasa nya Gidzumeledzwano, yomo tshatshani; va na Israyeli ni va na Judha, gumogo ni mune wangu Jowabhi, ni sithumi sa mune wangu vomo vbavbandze; eni nyi ngu yela gu bela nyumbani gwangu, nyi hodza ni gu sela, nyi lala ni mwangadzi wangu, gani? Nyi ngu sambanya avbo gwago khu hefemulo wago gukheni, gima kha nyi na nga gira nya nga isoso.

Matewu 10:25

Gu enede ga mupizane a gu dzi kodza gu fanana ni muhevbudzi waye, ni githumi gu godza mune waye. Ambari nya gukhuwe khu mune ndranga va nga mu vala khavo khuye Bhelizebhu, va na khavo ginani khu ngamo yaye?

Luka 6:40

Mwalo mupizane a vbindrago muhevbudzi waye; aholu, mupizane a vbeledego a na ningana ni muhevbudzi waye.

Johane 13:16

Khu lisine, nyi ngu mi embelani, kheni: Githumi khandri gikhongolo guvbindra mune waye; kha nga girumwa nigyo, khandri gikhongolo guvbindra oyu gi nga rumwago khuye.

Johane 15:20

Dundrugani magana nyi mi embedego, nya gukheni: Githumi khandri gikhongolo guvbindra pfhumu yaye. Kha nga va nga nyi sanisago, va na mi sanisa nenu; va gu bani va vegedzide milayo yangu, va na vegedza nayo magana yanu.